დისნეი, უოლტ

ვიკიპედიიდან

უოლტ ელიას დისნეი დისნი (Walter Elias Disney); (* 5 დეკემბერი, 1901, ჩიკაგო ― † 15 დეკემბერი, 1966, ბერბანკი) — ამერიკელი კინოპროდიუსერი, რეჟისორი, სცენარისტი, გამხმოვანებელი, ანიმატორი და ფილანტროპი. უოლტ დისნეი პროდაქშენზის თანადამფუძნებელი (მის ძმა როისთან ერთად) მსოფლიოში ყველაზე კარგად ცნობილი მოძრავი ფილმების მწარმოებელი გახდა. მის მიერ დაფუძნებულ კომპანიას, ამჟამად უოლტ დისნეი კომპანი, ყოველწლიურად დაახ. $30 მილიარდი დოლარის შემოსავალი აქვს.

უოლტ დისნეი განსაკუთრებით ცნობილია როგორც კინოპროდიუსერი, პოპულარული შოუმენი, ინოვატორი მულტიპლიკაციაში და თემატური პარკების დიზაინში. ის წამოყენებული იყო ოსკარის ნომინაციებზე 48-ჯერ, ხოლო ემიზე 7-ჯერ, რაც დღემდე რეკორდულია. მას შექმნილი აქვს რამდენიმე მსოფლიოში ყველაზე განთქმული პერსონაჟი, მათ შორის მიკი მაუსი, რომელსაც დისნეის ალტერ ეგოდ მიიჩნევენ. მისი სახელი ჰქვია დისნეილენდს და უოლტ დისნეი უორლდ რიზორტ თემატურ პარკებს აშშ-ში.