ტოინბი, არნოლდ ჯოზეფ

ვიკიპედიიდან

არნოლდ ჯოზეფ ტოინბი

არნოლდ ჯოზეფ ტოინბი (* 14 აპრილი, 1889, ლონდონი ― † 22 ოქტომბერი, 1975, ნიუ-იორკი), ინგლისელი ისტორიკოსი და სოციოლოგი. ლონდონის უნივერსიტეტის პროფესორი (1919-1924), ეკონომიის მეცნიერებათა ლონდონის სკოლის პროფესორი (1925-1955), საერთაშორისო ურთიერთობათა სამეფო ინსტიტუტის ერთ-ერთი ხელმძღვანელი (1925-1955).

აღიარება მოუპოვა "ისტორიის გამოკვლევამ" (ტ.1-12, 1934-1961). ტოინბის აზრით, არ არსებობს კაცობრიობის ერთიანი ისტორია, არსებობს მხოლოდ თავისებური და დახშული ცივილიზაციების ისტორია. თითოეული მათგანი გადის წარმოშობის, ზრდის, მსხვრევისა და ხრწნის სტადიებს, რის შემდეგ იღუპება და ადგილს უთმობს ახალ ცივილიზაციას.

ცივილიზაციის განვითარების მამოძრავებელი ძალაა "შემოქმედებითი უმცირესობა", რომელსაც თავისი კვალზე მიჰყავს "ინერტული უმრავლესობა". როცა "შემოქმედებითი ელიტა" თავს ვერ ართმევს მორიგ სოციალურ-ისტორიულ ამოცანას და იქცევა გაბატონებულ უმცირესობად, რომლის წინააღმდეგ ჯანყდება გაუცხოებული მასა ("პროლეტარიატი" და "ბარბაროსული პერიფერია"), ცივილიზაცია იღუპება, თუ რასაკვირველია, უფრო ადრე არ მოუღო ბოლო გარე კატასტროფამ.

ტოინბი თანაგრძნობით ეკიდებოდა ეროვნულ-განმათავისუფლებელ მოძრაობას და კაპიტალისტურ და სოციალისტურ ქვეყნებს შორის მშვიდობიანი თანაარსებობის იდეას.

Retrieved from "http://ka.wikipedia.org../../../%E1%83%A2/%E1%83%9D/%E1%83%98/%E1%83%A2%E1%83%9D%E1%83%98%E1%83%9C%E1%83%91%E1%83%98%2C_%E1%83%90%E1%83%A0%E1%83%9C%E1%83%9D%E1%83%9A%E1%83%93_%E1%83%AF%E1%83%9D%E1%83%96%E1%83%94%E1%83%A4.html"

კატეგორიები: ინგლისელები | ინგლისელი ისტორიკოსები | დაბადებული 1889 | გარდაცვლილი 1975

ტოინბი, არნოლდ ჯოზეფ

ვიკიპედიიდან

Views

ნავიგაცია

ძიება

სხვა ენებზე