Dogmatik
Vu Wikipedia, der fräier Enzyklopedie.
 |
Dëse Reliouns- a Glawensartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
D'Dogmatik ass en Deel vun der chrëschtlecher Theologie, si beschäftegt sech mat der systematescher Duerstellung an Entweckelung vun de Glawensinhalter. Hier Aufgab ass et dës Inhalter kohärent ze halen an hieren Intérêt fir de Mënsch opzeweisen. Se beschäftegt sech also mat der fides quae creditur (de Glawen den gegleeft gett) am Géigesaatz zur Fundamentaltheologie déi sech mat der fides qua creditur (de Glawen duezrch de gegleeft gett) beschäftegt.
[Änneren] Dogma (Definitioun)
En Dogma (gr. dogma - Meenung oder Léiersaatz) ass ang Ausso fir eng Relioun, eng Weltanschauung oder eng Wëssenschaft, déi vun enger Grupp vu Leit als grondleend an net verhandelbar ugesinn gett.
Haut gebraucht en an der Wëssenschaft Dogma nach bal just an engem pejorative Sënn, fréier war dat net esou, eng Erkenntnis déi als absolut gesechert gegolt huet war en Dogma.
An der Theologie kann en Dogma als eng Aart Axiom ugesinn ginn, well se allebéid wëssenschaftlech net beweisbar sinn an d'Ofännere vun engem een an en anere System (fir d'Axiomen, z. B. eng aner Zort Geometrie) respektiv an eng aner Relioun/Weltanschauung (fir en Dogma, esou géif d'Unhuelen vun der Negatioun vum Dogma vun der Unicitéit vu Gott zum Polytheismus féieren) féiert.
[Änneren] chrëschtlech Dogmen
- Existenz vu Gott
- Unicitéit vu Gott
- dräi Persounen an där enger göttlecher Natur
- Inkarnatioun (Menschwerdung)
[Änneren] Ënnerdeelung vun der Dogmatik
Wëll d'Glawensinhalter e risegen Themenblock duerstellen ginn et nach eng ganz Rei vun Ennerfächer bannent der Dogmatik (mat de Froen op déi se wëllen eng Äntwert ginn):
- Christologie: Wie war de Jesus als Mensch an als Sohn Gottes?
- Soteriologie: Wéi gesäit den Heilsplang vu Gott aus?
- Pneumatologie: Wien ass den Hëllege Geescht?
- Theologie (sens strict): Wien ass Gott de Papp an wat sinn d'Relatiounen tëscht de Persounen vun der Dräifaltegkeet?
- Ekklesiologie: wat ass d'Kierch a wat sinn hier Funktiounen?
- Eschatologie: wat erwaard eis um Schluss, um perséinlechen Liewesenn an kollektiv um Enn vun der Zäit?
