Michael Maestlin
Vu Wikipedia, der fräier Enzyklopedie.
De Michael Maestlin oder och Möstlin gebuer den 30. September 1550 zu Göppingen a gestuerwen den 20. Oktober 1631 zu Tübingen war en däitsche Mathematiker an Astronom.
De Maestlin studéiert am Evangeleschen Stëft Tübingen Theologie, Mathematik an, ugereegt duerch de Philipp Apian, Astronomie. Hie gouf 1571 Magister, 1576 Diakon zu Backnang a 1580 Professer vun der Mathematik zu Heidelberg a vun 1583 un zu Tübingen.
Niewent dem Leonardo da Vinci gëlt och de Maestlin als éischten, den dat aschgrot Moundliicht korrekt als Äerdschäin gedeit huet. Hien hat och erkannt datt d’Koméiten keng atmosphäresch Erscheinunge sinn. De Maestlin gelt als Unhänger vun dem heliozentreschen Weltbild vum Nikolaus Kopernikus a war Geléierten a Frënnd vum Johannes Kepler, deen hien och mat der heliozentrescher Planéitenuerdnung vum Kopernikus bekannt gemaach huet. Och de Galileo Galilei konnte hie fir dës nei Léier gewannen.
Am Joer 1961 gouf e Moundkrater Maestlin no him benannt.
