Rothorn Paradise
Vu Wikipedia, der fräier Enzyklopedie.
Rothorn Paradise ass de Numm deen d'Biergbunnen vun Zermatt engem Plateau ginn huet, deen eigentlech als "Unterrothorn" bekannt ass an op 3.101 m läit.
Inhaltsverzeechnis |
[Änneren] Infrastruktur
Niewt der Statioun vun der Biergbunn Blauherd- Rothorn gëtt et hei niewt engem Restaurant d'Personalhaus "Kumme". Bis virun der Fusioun vun den Zermatter Biergbunnen haten hei d'Bedreiwer vun den Sunnegga-Blauher-Rothorn Bunnen hir Büroen. Zënter der Fusioun am Joer 2002 ass hei den Haaptverwaltungssëtz vun den Zermatter Biergbunnen AG.
[Änneren] Bedeitung am Schigebitt
Um Rothorn gi just Piste fort, well et den héichste Punkt am Schigebitt vum Rothorn ass an doduerch huet d'Rothorn, niewt dem Fakt eng immens Vue ze hunn, Bedeitung als Angelpunkt tëschend dem Rothorn an dem GornergratSkigebitt. Vum Rothorn aus kann een am Secteur bleiwen an op de Blauherd an, bei genuch Schnéi, op d'Petrullarve fueren. Eng aner Méiglechkeet erlaabt et, iwwer d'Fluhalp op Gant ze fueren. Vun hei kann een mat enger Pendelkabinn iwwer Hohthälli op de Gornergrat fueren. Et gi Pläng fir och eng Verbindung vun Findeln op de Gornergratsecteur ze bauen, soudass dës staark belaaschten Verbindung entlaascht géif ginn.
[Änneren] Sessellift Kumme
Um Rothorn kënnt en 3er Sessellift un, deen eng blo, rout a schwaarz Pist servéiert. Wann de Schnéi e Weiderfueren op d'Petrullarve net erlaabt, kann ee mat dësem Lift erëm zréck op d'Rothorn fueren. 1982 ass dëse Lift a Betrib gaang.
[Änneren] Lawinen
Den ieweschte Secteur vum Rothorn-Skigebitt ass no Neischnéi meeschtens zou, well dann hei eng grouss Lawinegefor besteet. An dësem Fall ass keng Verbindung per Ski op de Gornergratsecteur méiglech. Am Fall wou d'Kabinn Gant-Blauherd funktionéiert ass d'Verbindung per Kabin méiglech. Dëse Problem soll an der Saison 07-08 duerch de Bau vum Sessellift Findeln-Grünséi geléist ginn.
