Zermatt
Vu Wikipedia, der fräier Enzyklopedie.
 |
Dëse Geographiesartikel zu der Schwäiz ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
|
|
|
|---|---|
 |
|
| Land: |  Schwäiz |
| Kanton: | Valais |
| Distrikt: | Visp |
| Sprooch: | Däitsch |
| Héicht: | 1.608 m |
| Fläch: | 242,67 km² |
| Awunner: | 5.625 (2002) |
| Geographesch Koordinaten: | 46° 01’ 00’’ N, 07° 45’ 00’’ O |
Zermatt (frz. Praborgne, ofgeleet vum fréiere laténgeschen Numm Pratobornum) ass eng Gemeng an Uertschaft am Bezierk Visp vum Schwäizer Kanton Wallis (frz. Valais). Zermatt huet 5.625 Awunner (1. November 2004) a läit am Mattertal (och Nikolaital genannt) op enger Héicht vu ca. 1.610 m. Et ass berühmt well et am Schiet vum Matterhorn läit.
Zu Zermatt gëtt et eng speziell Klausel déi genee fixéiert, wivill Touristebetter existéieren däerfen. Dës Regel seet, dass een Drëttel vun all Better zu Zermatt mussen vu Residenten beluecht sinn. Aus dësem Grond gëtt Zermatt als Duerf um Liewen erhal.
Zu Zermatt sinn dräi Kierchen (eng kathoulesch, eng evangelesch an eng English Church), eng Spillschoul, an eng Primärschoul mat der éischter Lycéesstuf (also bis zur 10. Klass).
Zermatt ass eng vun de wichtegsten a bekanntsten Wantersportuertschafte vu der Schwäiz. Wanter wéi Summer zitt Zermatt wéinst sengem landschaftleche Charme a senge gutt ausgebauten Infrastrukturen vill Touristen aus alle Länner un. Zermatt ass och den Ausgangspunkt fir sou muench Alpinismusexpeditiounen an d'Regioun vun dem Monte Rosa an dem Matterhorn.
[Änneren] Duerfdeeler vun Zermatt
Zermatt besteet aus verschidden Duerfdeeler. Dës Deeler ginn am Wanter vum Skibus verbonne fir de Sportler z'erméiglechen, séier bei hire Lift ze kommen.
Zu Zermatt ass probéiert ginn, am Kader vun der touristescher Entwécklung, keng Bausënnen wéi z.B. a Frankräich ze begoen. Aus dësem Grond ass d'Duerfbild ländlech geprägt an et si virun allem Chaleten am traditionelle Baustil ze gesinn. Eng Gaass steet ënner Denkmalschutz. Hei gesäit een traditionell Chaleten an och Karspäicheren aus dem 16. Joerhonnert, déi haut och nach bewunnt resp. genotzt sinn.
[Änneren] Kleng Dierfer nieft Zermatt
Ronderëm Zermatt leie kleng Dierfer. Do ass virun allem Blatten tëscht Zermatt an dem Furi z'ernimmen. Findeln läit um Sekteur vum Rothorn Paradise an ass duerch e Sessellift mat Sunnegga verbonnen. Zu Zmutt ass den Ulrich Inderbiner opgewuess. E Spazéierwee féiert d'Foussgänger op dës Alp mat enger Rei Chaleten an engem Restaurant. Zmutt läit méi héich wéi Furi an ass vun der Skipist tëscht dem Schwarzsee an dem Furi schéin ze gesinn.
[Änneren] Sportméiglechkeeten
Zermatt bitt déi ganz Palett vun alpine Sportarten un. Am Vierdergrond steet d'alpint Skifueren. Mee och den Alpinismus (Summer wéi Wanter) huet en héije Stellewäert. Doniewt huet Zermatt ganz interessant Skitouren ze bidden. Mee och aaner Sportaarten wéi Äiswaasserfäll klammen, Schlittschung fueren, Hockey spillen, Nordic Walking (mat speziellen Parcoursen), Schlitt fueren (Rotenboden-Riffelberg), Schnéischung goen an normalt spazéieren. Och Mountainbiking an Downhill-Biking si méiglech. An der Triftbachhaal kënnen divers Halesportarten bedriwwe gin. Hei ass och eng Klotermauer. Um Blauherd gëtt et en Outdoor Ufängerpark fir klammen ze léieren. Doniewt kann een Bungee-Trampolin-Sprange maachen an et gëtt een Héichseel-Baamparcours.
[Änneren] Evenementer
All Joer ass zu Zermatt en Triftji bump bash. Dat ass eng Vollekscourse, genauer gesoot eng Bockelpistecourse, déi fir all Mënsch op ass.
[Änneren] Verkéierssituatioun
Zu Zermatt as d'Verkéierssituatioun aanescht wéi an deene meeschten Alpendierfer. Et gëtt Wäert dropp geluet, dass d'Duerf autofräi bleift. Aus dësem Grond mussen d'Touristen hir Autoen zu Täsch stoe lossen. Zanter dësem Wanter gëtt et e neien Terminal: e grousst Parkhaus, wat esou konzipéiert ass, dass een direkt säi Gepäck aus dem Auto op e Gepäckweenchen, dien ee géint CHF 5.- aus dem Gestell huele kann, ëmluede kann an dann direkt op den Zuchshuttle-Quai fuere kann. De Gepäckweenchen geet da mat an den Zuch an, zu Zermatt ukomm, kann ee mam Weenchen direkt bei seng Hausdier oder bei den Taxi fueren.
[Änneren] D'Strooss op Zermatt
Viru kuerzem gouf et eng Ofstëmmung ënnert der Zermatter Bevëlkerung wou decidéiert gouf, dass d'Strooss net, wéi zu Saas Fee, fir den allgemenge Verkéier soll opgoen an dann beim Duerf selwer Parkheiser gebaut solle ginn. D'Strooss op Zermatt däerf nëmmen vun Uerdnungskräften an Ambulancen, Taxisentreprisen, déi mat Vanen hir Clienten an d'Duerf féieren, an de Bewunner vun Zermatt befuer ginn. D'Bevëlkerung vun Zermatt muss op engem speziell amenagéierten Parking um Rand vum Duerf hier Autoen afstellen. Am Duerf selwer verkéieren Elektroautoen an Päerdskutschen. Niewt Hotelstransporter am Elektroauto hunn e puer Hotelen eegen traditionell Päerdskutschen. Elektrotaxien rennen a grousser Zuel duerch Zermatt sou dass ee sech zu all Moment op déi gewënschte Plaz hiféiere loosse kann. De Velo ass och e sënnvollt Transportmëttel am Duerf.
