Wëssenschaftlechen Numm
Vu Wikipedia, der fräier Enzyklopedie.
De Wëssenschaftlechen Numm vun de Liewewiesen ass en eendeitege laténgeschen Numm, deen aus zwee Wierder besteet an no bestëmmte Regele gebilt gëtt.
De wëssenschaftlechen Numm fir eng Aart vun engem Liewewiese setzt sech aus dem Numm vun der Gattung an engem Aart-Epitheton (en Adjektiv dat d'Aart beschreift) zesummen, och nach binominal Nomenklatur genannt. Den éischte Buschstaf vun der Gattung gëtt heibei grouss geschriwwen. Béid Wierder si Latäin a ginn kursiv geschriwwen.
Bannent enger Gattung muss all Aart en aneren Numm hunn. Dee selweschten Aart-Epitheton kann et awer bei verschiddene Gattunge ginn.
Bei den Déiere kann den Numm vun der Gattung an dee vum Aart-Epithon d'selwescht sinn. Et ginn awer och verschidde Variatiounen vun dësem System, wéi z.B. bei enger Ënneraart, bei Ziichtformen oder Hybriden.
D'Nimm vun der Gattungs- an der Aartgrupp ginn dacks duerch e bestëmmtent Mierkmol (z.B. Faarf, Gréisst, Verhalen), aus der Uertschaft vun der Entdeckung oder aus engem Numm vun enger Persoun ofgeleet.
Beispiller:
- 2 Aarten an enger Gattung (op mannst éier se den Numm geännert hunn [1]):
- Parus ater ⇔ Mees däischter = Dënnemees
- Parus major ⇔ Mees grouss = Schielmees
- 2 Aarten aus veschiddene Gattungen mam selwechten Aart-Epitheton:
- Epilobium montanum ⇔ Biergwéideréischen
- Trifolium montanum ⇔ Biergkléi
