Klummesj
Van Wikipedia
Dit artikel is gesjreve in 't Klummesj. 't Weurt gewaardeerd óm in dit artikel 't Klummesj aan te hauwe of aan te gaeve welk anger dialek gebroek is.
't Dialek van Klumme , dat van 't buurtsjap Termaar en dat van 't kèrkdörp Ranzel lieke hièl väöl opein. Dit kump ouch umdat de sjoeël in Klumme liek. Harie Eussen sjreef 'ne Klank en vormlieër van 't Ranzels en maakde 'n lies van werkweurd in 't Ranzels dialek. Eussen beweert dat 't dialek euverein kump mèt dat van Klumme. De gehuchte Gerieësjbrich, Geweustrao höbbe get ander oetsjpraok van bepaalde weurd en 't versjil mèt 't Sjins en 't Wieldersj ies al groeëter. 't Versjil mèt 't Valkebergs ies bès opvallend. Klumme lik op de grens van 't versjiensel r-sjoew (r-deletie). Versjillende dialekte ten oeëste van Valkeberg laote de r in bepaalde gevalle wegvalle, veural veur 'n t aan 't woordeind: poaët= poort, weut= woorden; zjwat= zwart. 't Ranzels haet väöl Heeëlese kènmerke meh gebruuk die r waal nog. De grens mèt de r-deletie löp dus ónmiddellik oeëstelik en de grens van de lidweurd d'r en g'ne löp pal westelik langs Klumme-Ranzel.
[bewirk] Sjrieversj en dichtersj
- Ger Bertholet (1948) Klumme
- Harie Eussen (1901-1954) Ranzel
- Sjang Eussen Ranzel
- Net Frederiks-Delahaye Termaar
- Maria Hoen-Delahaye Termaar
- Hub van der Maar (Huub Delahaye) Termaar
 |
Tot daen tied kan d'n inhaud van 't artikel veurnaam informatie misse of nog neet good in zie verbandj ligke. |
