Mughalriek

Van Wikipedia

Dit artikel is gesjreve in 't Kinders. 't Weurt gewaardeerd óm in dit artikel 't Kinders aan te hauwe of aan te gaeve welk anger dialek gebroek is.

---

't Mughalriek (of Mogolriek) woor 'n moslimdinnestie in India. 't Woor in 1526 gestich deur Babur. De Mughal femilie sjtamt aaf van Timur Lenk.

't Mughalriek kènt zen groetste bleuj vanaaf de twiede helf vanne 16de ieuw tot 't ènj vanne 17de ieuw. Nao de doed vanne zèsde keizer, Aurangzeb, vervölt het riek snel. 't Deurt waal nog tot 1857 veur de leste keizer deur de Britte aafgezat weurt in de Indise Muterie. De tittel Keizer van India woor vanaaf den door de Britse keuning gedrage tot in 1948.

[bewirk] Lies van Mughal keizers

De offesjele tittel vanne Mughal keizer woor Badshah (aafgeleid van 't Perzisch, Padshah).

[bewirk] Groet-Mughals

De ieste zès keizers waere auch Groet-Mughals geneump. Ze zeen elk bekènd ónger ne kórtere naom (vet in de lies hieónger). Det woor eigelik 'n tittel dae ze es keizer aannome.

• Zahiruddin Babur, 1526-1530
• Nasiruddin Humayun, 1530-1540 en 1555-1556
• Jalaluddin Akbar, Akbar de Groete, 1556-1605
• Nuruddin Jahangir, 1605-1627
• Ghiyasuddin Shah Jahan, 1627-1658
• Aurangzeb Alamgir I, 1658-1707

[bewirk] Latere Mughal keizers

• Bahadur Shah I (Shah Alam I), 1707-1712
• Jahandar Shah, 1712-1713
• Furrukhsiyar, 1713-1719
• Rafi Ul-Darjat Shah Jahan II, 1719
• Rafi Ud-Daulat, 1719
• Nikusiyar, 1719
• Mohammed Ibrahim, 1720
• Mohammed Shah, 1719-1720 en 1720-1748
• Ahmad Shah Bahadur, 1748-1754
• Alamgir II, 1754-1759
• Shah Jahan III, 1760
• Shah Alam II, 1760-1806
• Akbar Shah II, 1806-1837
• Bahadur Shah II of Bahadur Shah Zafar, 1837-1857