Bremen (Land)

Us der alemannische Wikipedia, der freie Dialäkt-Enzyklopedy

Technische Yschränkung:
Dr koräkt Titel wär: »Breme (Bundesland)«

Dr Artikel „Bremen (Land)“ isch leider no ziimle kurz! Wenn du aber meh zu dem Thema weisch, schrib's eifach dezue und mach us dem Schtumpe en ebbas umfangriichere Artikel.

Brema isch a klenns norddütsches Bundesland un bestoht us der Hansestadt Breme und Bremerhave.

S Rathaus vun Breme

Eingang vun de Böttcherschtroß

[ändere] Verchehr

[ändere] Schiffsverchehr

Wemm mer Breme und Bremerhaffe zsamme nimmt, no ischs de zweitgröschte Seehaffe vu Dütschland. S werret vor allem Autos, Container un Fisch in Bremerhave und au im Neustädter Hafe vun Breme verladde.

[ändere] Ysebahn

Zwische Breme und Bremerhaffe gitts Eisebahnverchehr uff ener Hauptverbindig, wo elektrifiziert isch. Vum Bremer Hauptbahnhof gitts Verbindunge uff Hamburg, Hannover, ins Ruhrgebiet und in d norddütschi Umgebung und in de Schtadtteil Vegesack. Von Bremerhaven Hauptbahnhof aus ganget Ysebahnverbindunge uf Cuxhaven und uf Bremervörde/Hamburg.

[ändere] Schtroß

D'beide Landesteil sin verbunde durch d' Autobahn A27. D' A1 krüüzt d' A27 und goht an de Schdadt Breme vorbei. Im Schtadtgebiet vu Breme schaffet se etzet aan d' A281.

In Breme gitts no Schtroßebahne und mer mueß uff die uffpasse, wenn mer über d'Schtroß goht.

Für d'Fueßgänger gitts im Schtadtzentrum Wegweiser-Täfele. So isch au de Weg vum Hauptbahnhof ind Inneschdadt guet bschildert.

[ändere] Flughaffe

Im Südde, in Bremen-Neuenland, gitts de Flughafen Bremen, in Bremerhaven-Luneort isch en bizzele kleinerer Flugplatz.

[ändere] Kunschtwerk und Monumente

D Bremer Schtadtmusikante

Rolandsstatue uffm Marktplatz

Do isch znächst der Roland vun Breme z nenne. Dees isch die gröschte Roland-Statue vun 26 Roland-Figure in Deutschland. Er schtoht seit 1404 am Marktplatz vun Breme und isch 5,55 m hoch.

Denn sind do au no an de Weschtseite vum Rathaus die Bremer Schtadtmusikante überenand und us Metall us em Johr 1951 vun em Bildhauer Gerhard Marcks.

[ändere] Bsondere Musee

In Bremerhave isch es Deutsche Auswandererhaus Bremerhaven, wo die Europäer und ihre Verwandte us de Überseeländer schaue könnet, wie im 19. und 20. Johrhundert d arme ode d verfolgte Leut hond a neue Heimat sueche müsse.

Die Kunschthalle Bremen hot Gmälde und Schkulpture us mehrere Johrhunderte. Bsunders aber au vun Delacroix, Liebermann, Corinth, Modersohn-Becker und Beckmann.

S Gerhard-Marcks-Haus bherbergt gegeschtändliche Schkulpture vunnem Bildhauer Marcks. Do gibts glungene Plaschtike vun Tiere.