Herodot
Us der alemannische Wikipedia, der freie Dialäkt-Enzyklopedy
Dr Herodot vo Halikarnassos isch ä altgriechische Gschichtsschriiber, Geograf und Ethnolog gsi.
Inhaltsverzeichnis |
[ändere] Biografie
Dr Herodot isch öbbe um 490 vor dr Ziitwändi z Halikarnassos in Karie, wo in Chliiasie gsi isch, uf d Wält cho. Er het deilgnoh am än Ufschdand gege dr Tyrann Lygdamis, wo nid glungen isch und isch druf nach Samos gflüchtet. Won er het döfe heimgoh, het er mitghulfe dr Lygdamis z schdürze. Er het Reise dur s südweschdlige Asie und Nordafrika gmacht, het um 447 z Athen gläbt, won er mit em Perikles und em Sophokles Fründ gsi isch und isch im Jhr 444 nach Thurii in Italie gange won er öbbe um 425 begrabe worden isch.
[ändere] Si Ruef
In d Antike scho het men em uf dr einte Siite dr Titel vom "Vatter vo dr Gschichtsschriibig" gä, und uf dr andere het menen bezichdiget Gschichte z verzelle und Liege z verbreite.
Hützudag git s Glehrti wo dänke, ass er mögligerwiis überhaupt keini Reise gmacht het und siine Büecher as Schdubeglehrte noch Gschichte vo andere gschriibe het.[1]
[ändere] Wärk
Alles was vo siine Büecher übrigbliiben isch, isch siis Wärk vo nün Bänd über d Gschicht, Kultur und Geografie vo dr bekannte antike Wält. Es beschriibt under anderem d Chrieg vo de Grieche gege d Perser im 6. und 5. Johrhundert und in dr Euterpe d Geografie und Kultur vom alte Ägypte.
[ändere] Quelle
dtv-Lexikon, Deutscher Taschenbuch Verlag, München 1970 Band 8, S.277
[ändere] Fuessnote
- ↑ Aram Topchyan, The Problem of the Greek Sources of Movses Xorenac'i's History of Armenia, Peeters Publishers 2006, S.9
| Persoonedaate | |
|---|---|
| NAME: | Herodot vo Halikarnassos |
| ALTERNATIVNAMEN: | Ἡρόδοτος (griechisch); Hēródotos; Herodotus (latinisiert) |
| KURZBESCHREIBUNG: | griechische Historiker, Geograph und Völkerkundler |
| GEBURTSDATUM: | öbbe 490 vor dr Ziitwändi |
| GEBURTSORT: | mögligerwiis z Halikarnassos, Karie, Chliiasie |
| STERBEDATUM: | öbbe 425 vor dr Ziitwändi |
| STERBEORT: | mögligerwiis z Thurii, Italie |
