Josef Munzinger
Us der alemannische Wikipedia, der freie Dialäkt-Enzyklopedy
 |
Dialäkt: Züridütsch (See) |
De Martin Josef Munzinger (* 11. November 1791 in Olte; † 6. Februar 1855 in Bärn; meischtens Josef Munzinger gnännt) isch Chaufmaa, Revolutionär, Politiker und eine vo de erschte Bundesrät vom Schwiizer Bundesschtaat gsii.
[ändere] Privatlebe
De Munzinger isch in Olte als Sohn vonere wohlhabende Chaufmaasfamilie gebore worde.
Siin Sohn Walther 1830-1873 isch Jurischt, Chilerechtler und eine vo de Gründer vo dr Chrischtkatholische Chile gsii.
Siin Sohn Werner 1832-1875 isch Orientalischt und Afrikaforscher gsii und und hät em Schriftschteller Alex Capus Stoff für de historisch Roman Munzinger Pascha (1997) bote.
[ändere] Politischi Karriere
Bi dr Reschtauration 1814 hät er gege d Machtübernaahm vom Patriziat kämpft und isch zu drei Jahre Landesverwiis verurteilt worde. Ab 1830 isch er wider i dr Politik gsii, isch als Vertreter vo dr liberale Opposition is Solothurner Parlament und dänn au i d Regierig gwählt worde, wo er em Kanton 15 Jahr als Landammä vorgschtande isch. Er hät als härte Politiker gulte, wo siis scharfe Duregriife en konservative Putsch verhinderet hät.
Er isch am 16. November 1848 als Vertreter vom Kanton Solothurn in Bundesrat gwählt worde und isch im Amt verschtorbe. Während siinere Amtsziit isch er de folgende Departement vorgschtande:
- 1848-1850: Finanzdepartement
- 1851: Politischs Departement
- 1852: Finanzdepartement
- 1853-1854: Poscht- und Baudepartement
- 1855: Handels- und Zolldepartement
Als Bundesrat hät er d Währigsreform vom neue Bundesschtaat gleitet.
Er isch Bundespräsident gsii im Jahr 1851 und Vizepräsident im Jahr 1850.
[ändere] Literatur
- Haeflinger, Hans: Bundesrat Josef Munzinger", 1953
| Vorgänger --- |
Mitgliid im Schwiizer Bundesrat 1848-1855 |
Nachfolger Melchior Josef Martin Knüsel |
| Persoonedaate | |
|---|---|
| NAME: | Munzinger, Martin Josef |
| ALTERNATIVNAMEN: | Joseph Munzinger, Josef Munzinger |
| KURZBESCHREIBUNG: | Kaufmann, Revolutionär, Politiker |
| GEBURTSDATUM: | 11. November 1791 |
| GEBURTSORT: | Olten |
| STERBEDATUM: | 6. Februar 1855 |
| STERBEORT: | |
Dr Artikel basiert uf ´ra freie Ibersetzung vum Artikel „Josef Munzinger“ us dr dytsche Wikipedia. E Lischte mit de dörtige Autore kasch dörte aluege
