Kanton

Us der alemannische Wikipedia, der freie Dialäkt-Enzyklopedy

d’Schwyzer Kantön

Kantön (au: Stände) sind d’Landesteil vo de Schwyzerischen Eidgenosseschaft.

Inhaltsverzeichnis

1 Politisches System
2 Gschicht
3 Halbkantön
4 Lischte mit Eckdate
5 Ekschterne Syte

[ändere] Politisches System

Jeder vo de 26 Kanton hätt en eigini Verfassig und es Parlament (Grosser Rat, Kantonsrat, Landrat, Parlament) wo je nach Grössi zwüsche 58 bis 200 Parlamentssitz hätt. Die Kantonsregierige (Regierungsrat, Regierung, Staatsrat) zälet je nach Kanton föif bis nüün Mitglidr.

Alli Berich wo nid vo de Verfassig odr vom ene Bundesgsetz am Bund zuegwise werdet, ghöret automatisch id Kompetenz vo de Kantön (z.B. Schuelwäse, zum Teil au Gsundheitswäse, Planigs- und Baurecht, Polizei, Gerichtsverfassig, Stüüre u. a.). By vilne vo dene Berych hätt de Bund aber glych nones Wörtli mit z’rede. Drum isch mängisch vomene «Kompetänzwirrwarr» und «Kantönligeischt» d’Red.

I zwei Kantön, Glarus und Appizell Innerrhode, gits no bis hütt einisch im Jahr d’Landsgemeind, wo’s Stimmvolch vo Hand abstimmt und sini Kantonsvertreter wählt.

[ändere] Gschicht

Di sogenannten Urkantön, wo 1291 (odr wahrschinli au früehner) d’Eidgenossenschaft gründet händ, sind Uri, Schwyz und Underwalde. I dr Alten Eidgenosseschaft hättmer zu de Kantön au «Ört» gseit. Drum redt mer no hütt vo den Acht Alten Ört, wo den zu de 13-örtige Eidgenosseschaft uusgweitet worde sind. Verbündeti, wo nonig Vollmitglidr i de Eidgenosseschaft gsi sind, hättmer als zuegwandti Ört bezeichnet.

I de Helvetische Republik (1798-1803) sind d’Kantön denn nume Verwaltigsbezirk gsi ohne Autonomi. D Grene sind neu zoge worde, damit alli Kantön möglichscht glych gross sind. Zue säbe Zyt hätts au no d’Kantön Säntis, Linth, Waldstätte, Oberland, Bade, Lugano und Bellinzona gäh.

Mitdr Mediationsverfassig 1803 sinds denn 19 Kantön gsi, und nachem Wiener Kongress 1815 22. De jüngscht, 23., isch de Kanton Jura, wo sich 1979 vom Kanton Bern abgspalte hätt.

[ändere] Halbkantön

Hütt redt mer meischtens vo 23 Ständ und 26 Kantön, will sich drü i Halbkantön ufgspalte händ: Obwalden, Nidwalden, Appenzell Innerrhoden, Appenzell Ausserrhoden, Basel-Stadt und Basel-Landschaft. Im Ständerat händ si jeweils numen ein Sitz, di andere händ zwei.

[ändere] Lischte mit Eckdate

Kennz.	Fahne	Kanton	Bitritt	Houptort	Iwohner¹	Flechi²	Bev.- Dichti³	Azahl Gmeinde	Offizielli Sproche
ZH		Züri	1351	Züri	1'228'600	1'729	701	171	Dütsch
BE		Bern	1353	Bern	947'100	5'959	158	399	Dütsch,Französisch
LU		Luzern	1332	Luzern	350'600	1'493	233	107	Dütsch
UR		Uri	1291	Altdorf	35'000	1'077	33	20	Dütsch
SZ		Schwyz	1291	Schwyz	131'400	908	143	30	Dütsch
OW		Obwalde	1291	Sarne	32'700	491	66	7	Dütsch
NW		Nidwalde	1291	Schtans	38'600	276	138	11	Dütsch
GL		Glaris	1352	Glaris	38'300	685	51	28	Dütsch
ZG		Zug⁸	1352	Zug	100'900	239	416	11	Dütsch
FR		Fryburg	1481	Fryburg	239'100	1'671	141	242	Französisch, Dütsch
SO		Soledurn	1481	Soledurn	245'500	791	308	126	Dütsch
BS		Basel-Schtadt	1501	Basel	186'700	37	5'072	3	Dütsch
BL		Basel-Land	1501	Lieschtl	261'400	518	502	86	Dütsch
SH		Schaffuuse	1501	Schaffuuse	73'400	298	246	34	Dütsch
AR		Appezell Osseroode	1513	Herisau⁴	53'200	243	220	20	Dütsch
AI		Appezöll Inneroode¹³	1513	Appezöll	15'000	173	87	6	Dütsch
SG		Sanggale	1803	Sanggale	452'600	2'026	222	90	Dütsch
GR		Graubünde	1803	Chur	185'700	7'105	26	211	Dütsch ,Rätoromanisch, Italiänisch
AG		Aargau	1803	Aarau	550'900	1'404	388	232	Dütsch
TG		Thurgau	1803	Frauefeld	228'200	991	229	80	Dütsch
TI		Tessin	1803	Bellinzona	311'900	2'812	110	244	Italiänisch
VD		Waadt	1803	Losann	626'200	3'212	188	382	Französisch
VS		Wallis	1815	Sitte	278'200	5'224	53	160	Französisch, Dütsch
NE		Noieburg	1815	Noieburg	166'500	803	206	62	Französisch
GE		Gämf	1815	Gämf	414'300	282	1'442	44	Französisch
JU		Jura	1979	Delsbärg	69'100	838	82	83	Französisch
CH	Bild:Switzerland coat of arms.png	Schwiz		Bern	7'261'200	41'285	174	2'889	Dütsch, Französisch, Italiänisch, Rätoromanisch

Bemerkige: ¹ Stand: 31. Dezämber 2001, Bundesamt für Statistik, ² km², ³ Ihwohner pro km², Stand 2000 ⁴ Sitz vor Regierig und em Parlamänt, Sitz vor Justiz isch Troge. ⁸ bis do: die Acht Alte Ört, ¹³ bis do: die Driizäh Alte Örte

Die zwöibuchstabigen Kantonsabchürzigen si vrbreitet, sie werden u.a. bi den Autokennzeiche brucht und wärde ou i dr ISO 3166-2:CH brucht(mit em Präfix "CH-", z.B. CH-SZ für dr Kanton Schwyz).