Larve
Us der alemannische Wikipedia, der freie Dialäkt-Enzyklopedy
 |
Dialäkt: Baseldytsch |
Larve bezaichnet in dr dytschsproochige Schwyz, in Eeschtrich und grosse Dail vo Syyddytschland e Masgge wo an dr Fasnacht drait wird. S'dytsche Wort entlarve - also ebberem e Masgge vom Gsicht rysse - kunnt vo deert. Larve kunnt vom latinische Wort lar, wo Masgge oder Gspenscht bedydet.
Larvene kemme u.a. an der Basler Fasnacht zem Yysatz. Die maischte Larvene sin äntwääder us Bapyyr cachiert oder sin us Kunschtstoff gmacht. S Cachiere isch zwor uffwändiger, erlaubt aber komplizierteri Foorme. Derfiir isch e Kunschtstofflarve billiger.
S Wort Masgge kunnt im Baseldytsch zwor au vor, bedytet aber ebbis anders, nämmlig e gosschtymierti Person, wo natyyrlig au e Larve aa het, also dr Träger von ere Larve, nit d'Larve sälber.
