Münchenstein
Us der alemannische Wikipedia, der freie Dialäkt-Enzyklopedy
Münchästäi isch ä grosses Dorf im Tal vu d'r Birs im Kantuu Baselland. Ä eerschti schriftlichi Nännig git's us em Jahr 1196. D' Gmäind zellt hüt knapp 12000 Iiwonner und liit uf 're Hööchi vu durchschnittlich 297 m.ü.M. im Bezirgg Arläshäim. Si isch uuftäilt id' Ortstäil Nüümünchäschtäi, Münchäschtäi und Brügligä und gränzt im Nordä diräggt ad' Stadt Basel.
[ändere] Wirtschaft, Verchehr
Früecher het Münchäschtäi ä bedüütendi Gschäftsschtell vu de Brown Boveri gchaa. Det sind namhafti Loggene für d' SBB und ander Bahne mitfabriziert wordä. Nuch hüt häisst ä Tramhaltschtell „Brown Boveri“. Näbedranne isch d' Eleggtra Baselland. Münchäschtäi hät ä äigene Bahnhof a d'r Liniä Basel-Dölemont, und äs wird vu d'r lengschtä Tramliniä vu Europa bedient. Das isch d' Liniä Zäche wu vu Dornach über Basel uf Rodersdorf füehrt. Au d' Liniä 11 zwüschä Aesch und d'r Gränze zu Sää Lui füehrt det dure. Beed gchöred zum Liniänetz vu d'r BVB, gchöred aber d'r BLT.
