Muttenz
Us der alemannische Wikipedia, der freie Dialäkt-Enzyklopedy
| Wappe | |
|---|---|
 |
|
| Basisdate | |
| Kanton: | Basel-Landschaft |
| Bezirk: | Arlese |
| BFS-Nr.: | 2770 |
| PLZ: | 4132 |
| Koordinate: | 47.516667 n. Br. 7.650014 ö. L. |
| Höchi: | 292 m ü. M. |
| Flächi: | 16.64 km² |
| Iwohner: | 17021 (30. Juni 2007) |
| Websyte: | www.muttenz.ch |
| Charte | |
 |
|
| Technische Yschränkung: Dr koräkt Titel wär: »Muttez« |
 |
Dialäkt: Baseldütsch |
Muttez (hochdütsch Muttenz) isch ä politischi Gmeind im Bezirk Arlese vom Baselbiet in dr Schwiz. Es isch ungfähr fümf Kilometer vo dr Stadt Basel entfärnt und lit 292 m über em Meerespiegel.
Inhaltsverzeichnis |
[ändere] Geographi
Muttez lit öschtlig vo dr Stadt Basel, zwüschem Rhy im Norde und em Gämpe im Süde. Es isch än Industriestadt mit 14000 Arbetsblätz, die meischte im Industriegebiet Schwizerhalle, wo Muttez mit dä Gmeinde Brattele und Birsfälde deilt. Ein vo dä gröschte europäische Rangierbahnhöf befindet sich im Gebiet vo dr Gmeind. D Flächi vo dr Gmeind isch 1664 Hektare gross, dr vo si 41 Brozent Wald, 41 Brozent besiedlet, 16 Brozent si landwirtschafliche Gebiet, dr Räschte isch umbroduktiv.
[ändere] Wappe
Dr Oberdeil vom änä uffgrichtete rote Leu, wo nach links luegt, isch über drei mitenader verbundene rote Dürm uf äm ä silbrige Grund.
[ändere] Vergangeheit
[ändere] Name
Zur Zit vo dä Römer het d Siedlig Montetum gheisse. D Alemanne, wo sich dört niederglo hei, hän em Mittenza gsait. Us em früeche Middelalter gits ä Dokument wo dr Ort als Methimise erwähnt wird. Im 13. Johrhundert isch dr hütig Name Muttenz uffcho.
[ändere] Gschicht
Uff em Gebiet vo dr hütige Gmeind Muttenz het me vorhistorischi Fünd gmacht, z.B. Gräber us dr Isezit. Im 8. Johrhundert het Muttez em Domstift vo Strossburg ghört und d Chille wo denn baut worden isch, isch em heilige n Arbogast gweiht worde. Afangs 13. Johrhundert isch Muttez an d Münch vo Münchestei gfalle nachdäm sie d Iwohner gfolteret und underdrückt hei. Im grosse Basler Ärdbebe vo 1356 si die drei Warteberg Burge und Dorfchille schwer beschädiget und ä baar Johrzähnt spöter verlo worde. 1515 isch s Dorf dr Stadt Basel Unterdan worde. Nach em Bürgerchrieg vo 1833 zwüsche dr Stadt und dr Landschaft isch Muttez zum Halbkanton Baselbiet cho.
[ändere] Sehenswürdigkeite
- Die reformierti Wehrchille St. Arbogast,
- S Burehusmuseum
- S Dorfmuseum
- D Burgruine uf em Warteberg
- S Freidorf, dr bedütendscht Siedligsbau in dr Schwiz us dr Zit zwüschen em 1. und 2. Weltchrieg - entworfe vom spötere Bauhus Architekt und Urbanist Hannes Meyer.
D Gmeind het 1983 dr Wakkerbris übercho für ihri Asträngige gschichtliche Gebäud z erhalte.
[ändere] Bevölkerig
40 % vo dr Bevölkerig si reformiert und 27 % römisch-Katholisch. Dr Usländeradeil bedräit 17.4 %.
[ändere] Bildig
- D Fachhochschuel vo dr Nordwestschwiz in de Berich Architektur, Bau und Geomantik
- S kantonali Gymnasium
- Die kantonali Technikerschuel für Informatik
- Ä gwärblich-industrielli Bruefsschuel.
[ändere] Weblinks
Dr Artikel basiert uf ´ra freie Ibersetzung vum Artikel „Muttenz“ us dr dytsche Wikipedia. E Lischte mit de dörtige Autore kasch dörte aluege
