Biel-Benken

Us der alemannische Wikipedia, der freie Dialäkt-Enzyklopedy

Wappe

Basisdate
Kanton:	Basel-Landschaft
Bezirk:	Arlesheim
BFS-Nr.:	2764
PLZ:	4105
Koordinate:	47° 30' n. Br. 7° 51' ö. L.
Höchi:	317 m ü. M.
Flächi:	4.12 km²
Iwohner:	3054 (31. Dezember 2006)
Websyte:	www.biel-benken.ch
Charte

Technische Yschränkung:
Dr koräkt Titel wär: »Biel-Bängge«

Dialäkt: Baseldytsch

Biel-Bängge (hochdytsch Biel-Benken) isch e politischi Gmeind im Bezirk Arlise vom Kanton Basel-Landschaft in dr Schwiiz.

[ändere] Lag

Biel-Bängge ligt im Leymetal uff 317 m.ü.M. am Ytritt vom Birsig uff Schwiizer Bode ganz im Nordweschte vom Kanton an dr Ussegränze vo dr Schwiiz. Es gränzt an Frankryych mit de Gmeinde Leyme und Neuwiller, an Kanton Soledurn mit Bättwil und Witterswil und an d Baselbieter Nochbergmeinde Oberwyl und Därwyl.

[ändere] Wappe

S Wappe vo Biel-Bängge hett uf rotem Grund fünf silbrige Wecke (gliichmässigi Parallelogramm). Es isch s'ehemoolige Wappe vo Bängge unds Familiewappe vo de Schalers. Biel hett bis 1971 s gliiche Wappe aber mit umdraite Farbe gha.

[ändere] Gschicht

D Gmeind bestoot us de zwei alemannische Siidlige Biel (Benken minor) und Bängge (Benken maior, au Benchon). Sii sin sit em 13. Joorhundert im Bsitz vom Basler Rittergschlächt Schaler gsi. 1526 sin d'Ort an d'Stadt Basel verkauft worde. Noch dr Reformation 1529 hän sich Biel und Bängge zue einere einzige Pfarrei zämme gschlosse und statt de beide Dorfkapälle hett me 1621 z'Bängge e neui Chile baut. Im Drissgjöörige Krieg isch es beinde Deerfer nid besser gange als de andere im Umland. Sii sin plünderet und in Brand gsteckt worde. Bim Usbruch vo dr franzeesische Revolution ischs Dorf Zuefluchtsort fyr Jude uss em noche Sundgau gsi.

Am 1. Januar 1972 hän sich die beide bis do ane unabhängige Gmeinde Biel und Bängge zämme gschlosse und sin sithär ei politischi Gmeind.