Niederlande
Us der alemannische Wikipedia, der freie Dialäkt-Enzyklopedy
Technische Yschränkung: Dr koräkt Titel wär: »Niderland« |
Nederland (holl.) Nederlân (Frysk) |
|||||
|
|||||
Wahlspruch: Je Maintiendrai (franz., „I wird beschtoh“) | |||||
Amtsschpraach | Niderländisch und Friesisch in Friesland (Provinz Fryslân) | ||||
Hauptschtadt | Amsterdam | ||||
Regierigssitz | Den Haag | ||||
Schtaatsform | Parlamentarischi Monarchii | ||||
Schtaatsoberhaupt | D Königin Beatrix | ||||
Regierigschef | Minischterpresidänt Jan Peter Balkenende | ||||
Flächi | 41.528 km² | ||||
Iiwohnerzahl | 16.570.613 (Juli 2007) | ||||
Bevölkerigsdichti | 484 Iiwohner pro km² | ||||
HDI | 0,953 / Platz 9 (2007) | ||||
Währig | Euro (€) 1 Euro = 100 Cent | ||||
Unabhängigkeit | Proklamation am 2. Juli 1581, 1648 anerkennt im Weschtfälische Friide | ||||
Nationalhymne | Het Wilhelmus | ||||
Ziitzone | MEZ (UTC+1) MESZ (März bis Oktober) (UTC+2) |
||||
Kfz-Kennzeiche | NL | ||||
Internet-TLD | .nl | ||||
Vorwahl | +31 | ||||
Die Niderlande oder au Holland isch a klenns Königriich im weschtlicha Europa und grenzt an Belgia und Dütschland. Da Nama Niiderlande kunt us da Tatsach, dass an Toal vom Land echt undahalb vom Meeresspiegl liit. Zum Königriich gehöre au noch Aruba und d'Niderländische Antille (Nederlandse Antillen).
D Hauptstadt var Niderlande isch Amschterdam und der Regierungssitz isch Den Haag.
D Niderlande hätt eppa 16 Mio. Iwohner und isch ungefähr aso groß wia d Schwitz. D Amtsspracha sind Holländisch und Friesisch. Zudem hätts eppa 10 % Usländer, wo vor allem im gröschta Ballungsruum, in der Randstad leaband.
Königin isch d Beatrix.
[ändere] Geschichte
Die Nideren Lande hond da Reihe noch zum Römischa Riich (ab 50 v.Chr. bis eppa 400 n.Chr.), im Früehmittlalta zum Heiliga Römischa Riich vom Karl em Große, danoch zum Dütscha Riich (eppa 925) kört und sind denn untarm Phillip em Guete (1419 – 1467) als Burgundische Niderlande zum Burgundischa Riich zällt wora. Ab 1477 hond die Nideren Lande zue da Habsburger kört, nochdäm de Maximilian I von Öschtriich d Maria vo Burgund ghürotat hot.
Däm sin Enkel Karl V, König vo Schpanien, übanimmt 1515 d Herrschaft üba alle Provinza vo da Niderlande, isch aba mit siina zentralischtischa Politik uf imma meh Widaschtand troffa. Sin Sohn Philipp II (ab 1555) macht trotzdem mit dera Zentralisierung wita. Gliichzitig weren imma meh Nidalända protestantisch und drum vo da katholischa Obrigkeit vafolgt. In da Provinza kuts zu schwera Unruha, wo ab 1568 zum Achtzigjährige Krieg führend. De Wilhelm vo Oranien führt da Ufschtand gegs d schpanischa Herrscha a.
Nochm Untagang vo da Schpanischa Armada zwingt Moritz, da Sohn vom ermordeta Wilhelm vo Oranien, dia Schpania 1588 imma meh in d Defensive, und nimmt oane Schtadt no da andra i. Es entschtoht dia „Republik der Vereinigten Niederlande“ mit nam oanzigartiga politischa Syschtem, wo vo oanam vo da iflussriichschta Mä vo dera Zit glenkt wird, em Johan van Oldenbarnevelt, wo dia Vareinigte Oschtindische Kompani gründet hot, im 17. Johrhundat s erfolgriichschte Handelsuntanehma vo da Wält. Im Weschfälische Fride vo 1648 erkennend Schpanie und s Dütsche Riich dia Republik Niderlande als oagana freia Schtaat a. Damit isch da 80-jöhirge Kriag vorbii.
S 17. Johrhundat zählt in da Niderlande als s Goldene Johrhundat, a wirtschaftliche, kulturelle und wissenschaftliche Blüetezit. Vor allem die Religionsfreiheit zieht viele Denka us ganz Europa döt ane. Amschterdam wird a Zentrum für Schriftschtella und Gelehrte, wo in eana oagana Lända ned publiziera dürfend. 1781 kummt untarm Nama „Patrioten“ d Aufklärung in die Niderlande, und fordernd Modernisierung und Demokrati in da maroda Republik. Untarm Napoleon entschtoht zersch a Königriich Holland mit Napoleons Bruadar Ludwig uf m Thron, ab 1810 kört Holland zu Frankriich.
Nochm Napoleon werend die nördlicha und dia südlicha Niderlande zämglegt, und bilden an Puffa zwüschat Frankriich und m Dütscha Riich. 17 Johr schpötar schpaltend sich Belgia ab und bilded an oagana Schtaat. Um 1870 weren die Niderlande von na Agrargesellschaft imma meh zuana Induschtrigsellschaft.
[ändere] Provinze
Agfanga hott alls 1579 mit siiba Provinza:
- Provinz Friesland
- Provinz Gelderland
- Provinz Groningen
- Provinz Nord Holland
- Provinz Süd Holland
- Provinz Overijssel
- Provinz Utrecht
- Provinz Zeeland
Schpäta sind dia sogenannta Generalitätslande (holländisch Generaliteitslanden), dia ehemalige Puffazona zwüscha da Republik und da Schpanischa Niderlande dazu ku und zwar untaram Nama
- Provinz Nord-Brabant
- Provinz Limburg
Fasch gliichzittig entschtanda isch dia
- Provinz Drenthe
Und dia dominierende Provinz Holland isch 1840 uftoalt wora in
- Provinz Nord-Holland
- Provinz Süd-Holland
S jüngschte Mitgliid isch ersch 1986 als Provinz gründet wora:
- Provinz Flevoland
Sitm 1. Januar 1986 hond d Niderlande also 12 Provinza, wo sich in 483 Gmoanda (gemeenten) untatoaland.
[ändere] Zytgnössichi Kiinschtler
- Evert Thielen – Ä flämischar Môler