Rouen

Us der alemannische Wikipedia, der freie Dialäkt-Enzyklopedy

Koordinate: 49° 26′ 25″ N 01° 05′ 42″ O

Rouen

Wappe

Kart

Wahlspruch

Regionalsproch: Normännisch

Hauptvariante:

Cauchois

Regionalvariante:

{{{DIAREG}}}

Lokalvariante:

{{{DIALOC}}}

Verbreitung:

Usgstorbe?

Basisdate

Staat

Frankrich

Region

Haute-Normandie
(Präfektur)

Département

Seine-Maritime

Arrondissement

Rouen

Kanton

7 Kantoon

Kommunalverband

Agglomeration Rouen

Geographischi Lag:

49° 26′ 25″ N 01° 05′ 42″ O

Höh

10 m
(2 m–152 m)

Fläch

21,38 km²

Inwohner
– mit Hauptwohnsitz
– Stadtregion
– Bevölkerungsdichte

(1999)
106.592 Inwohner
389.862 Inwohner
4986 Inw./km²

Postleitzahl

76000, 76100

INSEE-Code

76540

Internetuftritt:

http://www.rouen.fr/

Maire (Bürgemeischter):
lfd. Amtszitt

Pierre Albertini
2001-2008

D'Kathedrale vo Rouen

Rouen (IPA [ʁwɑ̃]; im örtliche Français régional au [ʁwã]) isch e Stadt a dr Seine i dr Normandi, s'isch d'alti Hauptstadt vo dr Normandi un hüt d'Hauptstadt vo dr Region Haute-Normandie un em Department Seine-Maritime.

2007 het Rouen e Bvölchrig vo 115.000 Ywohner gha; i de Vorstädt wohne 410.000 Mänsche.

D'Jean d'Arc isch 1431 ufem Place de la vieux Marché z'Rouen verbrannt worre. Rouen isch unter andrem für syni Kathedrale un syni circa 2.000 Fachwerchhüüser bekannt. Rouen isch für e langi Zit eini vo de gröschte un rychschte Städt vo Europa gsi.

[ändere] Stadtgschicht

I dr Gegend um Rouen finde sich Spure vonere Bsiidlig wo i s'9. un 6. Johrhundert vor Chrischtus zruggönn. Ab em 5. Johrhundert isch Ackerbau un Viezucht noochgwiise. Gründet worre isch Rouen vo de Gallier wo d'Stadt Ratumacos gnännt hen (Gallisch roto (Rad) un magnus (Märit)). Vo de Römer isch d'Stadt Rotomagus gnännt worre.

Vo 841 a hen d'Wikinger ihri Raubzüg d'Seine naa agfange un Rouen plündret. Noochdäm dr französischi Chönig Karl III de Normanne unter Rollo 911 d'Normandi überloo het isch Rouen d'Hauptstadt vum Herzogtum Normandi worre. Am 16. April 1203 isch dr französchi Chönig Phillippe Auguste i Rouen ymarschiert un het d'Normandi dodemit a Frankriich anektiert.

Im Mittelalter het z'Rouen eini vo de gröschti jüdischi Gmeinde vo Europa gwohnt; circa 6.000 Jude (öber 20% vo dr Bvölchrig) hen i Rouen gläbt. 1306 isch d'jüdischi Gmeinschaft vum Philippe IV le Bel vertriebe worre.

Im Hunderjährige Chrieg isch Rouen vo de Ängländer bsetzt worre; d'Jean d'Arc isch am 30. Mai 1431 z'Rouen vor Gericht gstellt un drno verbrannt worre. 1449 hen d'Franzose d'Stadt schliessli zruggerobret.

Am Aafang vo dr Renaissance isch Rouen d'zweitgröschti Stadt vo Frankriich nooch Paris gsi. D'Fischer vo Rouen sin bi uf Neufundland un s'baltische Meer go fische. Syt de 1530er isch d'Bvölchrig vo Rouen durch d'Reformation beyflusst worre, aber nüt ganz überträte. Für e Zit lang isch Rouen 1562 ganz vo de Hugenote kontrolliert worre. Nooch dr Bartholomäusnacht het d'Stadt versüecht d'Hugenote z'schütze indäm se ygsperrt worre sin. Trotzdäm isch am 20. September e Pöbel i s'Gfängnis ybroche un het d'Hugenote ermordet.

Während em Prüüsisch-Französische Chrieg vo 1870 isch Rouen vo April bis Juni 1871 vo de Prüüse bsetzt gsi.

Au im Zweite Wältchrieg isch d'Stadt vo de Dütschi bsetzt gsi un während dr Schlacht um d'Normandi schwer bschädigt worre. D'berüemti Kathedral isch durch d'Bombardments fascht zerstört worre.

[ändere] Sproch

D'traditionali Sproch vo Rouen isch s'Normännische, e Langues d'oil. De Dialäkt vo dr Gegend um Rouen (s' Cauchois) stoht scho lycht im Übergang zum Pikardische.

Hüt wird wie im gröschte Deil vo dr Normandi numme no e regionali Umgangssproch gsproche, s' Français régional.

[ändere] Sehenswürdichkeite

s'Musée des beaux-arts isch s'Kunstmuseum vun dr Stadt
s'Musée maritime fluvial et portuaire isch s'maritime Museum vun dr Stadt, s'handelt vo dr Gschicht vum Hafe un dr Schiffsfahrt. Usserdäm werre d'Binneschiffsfahrt, dr Schiffbau un dr Walfang bhandelt.

Generale Sicht vom Museum

E Walskelet leit i dr Mitti vum Museum. S'isch e Finnwal, wo 7 Johr alt gsi isch wonner gstrandet isch.

E Binneschiff leit im Hof vum Museum, syn Schiffsruum wird für d'Usstellig über d'Binneschiffsfahrt ygrichtet.

S'Museum isch inere ehemoligi Werft vum Hafe, nüt wyt weg vo dr neui Gustave Flaubert Brugg. D'Werft isch im Johr 1926 baut worre, un im Johr 1984 stillglegt worre wyl se z'chly gsi isch.