Astor
De Biquipedia
| Astor | ||||||||||||||||
|---|---|---|---|---|---|---|---|---|---|---|---|---|---|---|---|---|
 Astor adulto (Accipiter gentilis) |
||||||||||||||||
| Estato de conserbazión | ||||||||||||||||
|
||||||||||||||||
| Clasificazión zentifica | ||||||||||||||||
|
||||||||||||||||
| Nomenclatura binomial | ||||||||||||||||
| Accipiter gentilis | ||||||||||||||||
| Linnaeus, 1758 |
l'Astor u azor (Accipiter gentilis (L., 1758)), ocasionalment clamato esparbero gran, ye un abe rapiñadora de mida meyana d'a familia d'as aczipitridas, que chunto con l'esparberet forma ro chenero Accipiter. Ni l'uno ni l'altro son d'ixa traza parients direutos de l'esparbero, més d'estar d'a mesma familia cladistica, u no bi son més amanatos que ne son entre ers. O feito que tanto l'esparberet como l'esparbero gran tiengan ixes nomes no ye si que per a tradizión popular á on que els-se trafulca.
O plomache d'ista espezie ye carauteristicament griso per alto en es adultos, con a tripa e partis més baixas d'o cuerpo de color blanca plena de rayetas horizontals de color negra. En es ixemplars inmaduros, ixas mesmas rayetas son més discontinuas, estando marrons foscas e ebentualment presentando-se como á maclas marronetas e més á sobent berticals, con o fondo de tot o baixo de l'animal marrón claret per cuentas de blanco. Asinas, es astors chobens son simplers de distinguir d'es adultos. Toz es ixemplars tienen una francha clara per alto d'es güellos que, chunto con es iris naranchas u royencos els fan simples de destinxir d'es suyos parients lueners es falcons.
Como es esparberez, es astors son cazadors aintro d'as selbas, e tienen alas més curtas e arrondoladas que no altras rapiñadoras, que lis-ne permiten de maniobrar con trazas millors que no altras abes. Es astors son, d'ixa traza, es més axils maniobradors boscanos en bolar, cosa que fa-los temibles predadors de chicoz animals aintro d'as redoladas boscosas. As suyas presas predileutas son es muixons.
Se'l puet trobar en tota Europa espezialment aintro d'as redoladas boscosas. En a Peninsula Iberica ye una espezie espezialment abundant en o norte, á on que rarament puet trobar-se-la-ie fuera d'as selbas. Unicament manca d'as Balears.
[editar] Enrastres externos
Biquiespezies tien un articlo sopre Accipiter gentilis.
Se beigan as imachens de Commons sobre l'astor.- (en) Bideos d'astors en o portal Internet Bird Collection
