Benedet XIII d'Abiñón

De Biquipedia

Benedet XIII d'Abiñón
Nombre	Pero Martínez de Luna
Prenzipio d'o papato	28 de setiembre de 1394
Fin d'o papato	1417 Antipapa dende 1423
Predezesor(linia d'Abiñón)	Clement VII
Suzesor (línia d'Abiñón)	Clement VIII/ Benedet XIV
Calendata de naximiento	1328
Puesto de naximiento	Illueca (Zaragoza)

L'antipapa Benedet XIII, más conoxito con o nombre de Papa Luna, naxió como Pero Martínez de Luna, d'Illueca, Aragón en 1328 e murió en Peniscola, Balenzia, en 1423.

Apoyó á Roberto de Chinebra e estió esleito por os cardenals franzeses á la muerte de l'antipapa Clement VII, o 28 de setiembre de 1394.

Á la muerte d'o papa Urbán VI, en 1389, os cardenals italians eslioron á Bonifazio IX; por tanto, a elezión de Benedet continó lo zisma d'a Ilesia Catolica.

Escuto d'o Papa Luna en un baculo episcopal

A mayor parti d'a Ilesia no reconoxió á Benedet. A Corona d'Aragón estió la que más fuertement refirma á Benedet, en particular animatos por sant Bizent Ferrer, que tién o reconoximiento d'Escozia, Castiella e Nabarra. En 1397, a ilesia franzesa, que l'eba refirmato, refusa decantar-se por dengún d'os dos. De feito, en 1398 Benedet estió feito preso en o suyo palazio d'Abiñón. O Conzilio de Constanza desemboca en que Benedet XIII s'eslampa ta Peniscola, á on se fazió fuerte mientres de muitos años en o castiello d'a billa.

Benedet, á la fin, abdica en 1417, encara que siempre refusa a elezión d'o papa Martín V. Manimenos, Benedet mantenió lo reconoximiento d'Escozia, Castiella, Nabarra e Aragón, dica la suya muerte.

Á la fin, bels cardenals creyatos per er li miroron un suzesor en a presona de Clement VIII de Peníscola encara que unos atros cardenals nomenoron suzesor á Benedet XIV.

Tenió un paper mui important mientres d'o interregno de 1410-1412 en a Corona d'Aragón refiemando á Ferrando de Trastamara. Estió Benedet XIII qui proposó fer un compromís, que os parlamentos combocoron en Casp en 1412.

Cal no confusar-se con o papa Benedet XIII, qui reinó en o sieglo XVIII.

En o castiello de Peniscola esiste un museu adedicato á la suya istoria e á los años que pasó en o castiello d'ista billa.

Tanta estió la suya tozoludez que bi ha un dito castellán que diz "seguir en sus trece", en referenzia á lo suyo nome Benedet XIII