Bueitre
De Biquipedia
 |
Iste articlo tien una bersión escrita con a grafía d'a SLA. Puede beyer-se aquí. |
| Vueitres | ||||||||
|---|---|---|---|---|---|---|---|---|
 Vueitre de Bengala (Gyps bengalensis) |
||||||||
| Clasificazión zentifica | ||||||||
|
||||||||
| Ordens e familias | ||||||||
|
Es bueitres u bultres son abes carnuzeras que pueden trobar-se per toz es continents, fueras d'en Ozeanía e Antartida. En Aragón, o nombre de bueitre s'emplega més que més ta la espezie Gyps fulvus, d'a família d'es aczipitridos.
Una d'as caracteristicas particulars de muitos bueitres ye a suya capeza pelata, sin plumache, probablement debito á que una capeza con plumas s'emporcaria con sangre e altros fluidos en introduzir-la á dintro d'es carnuzos d'animals grans e seria difízil de mantener-la limpia.
Tamien gosan á estar aus de notable grandaria. Per ixo han á menister de trobar bolsas d'aire calient ta elebar-se. Á més, no bolan á gran belocidat ni baten guaire as alas.
[editar] Clasificazion
Per un regular, es bueitres se clasifican en dos grupos:
- Es bueitres d'o biello mundo, esparditos per Africa, Asia e Europa, que perteneixen á la familia d'es aczipitridos, a cuala tamién inclui as alicas e es azors. Troban carnuzos mientres bolan grazias á la suya bista.
- Es bueitres d'o nuebo mundo e es cóndors, esparditos per as Americas, no se troban emparentatos con a familia d'es aczipitridos; perteneixen á la família d'es catartidos, que bels autors clasifican á dintro d'es ziconiformes[1]. Cuentan con un sobrebuen sentito de l'olfauto, poco usual en un carnuzero.
As semellanzas entre es dos grupos son debitas á una eboluzion conberchent més que no á una relazión amanata.
[editar] Referenzias
- ↑ Entrata Cathartidae n'a basi de datos taxonomica d'o NBCI
[editar] Binclos esternos
- Bideos de bueitres n'a Internet Bird Collection (Colezion d'Aus á Internet)
