Carrerons de gran recorrito
De Biquipedia
As sieglas GR siñalan un carrerón de gran recorrito, ye dizir, un carrerón señalizato, de más de 50 km, emplegato prenzipalment por escursionistas. En Aragón bi ha más de 6000 km. de carrerons de gran e chicot recorrito señalizatos d'os cualos 2074,5 km. son de gran recorrito.
Contenius |
[editar] Señalizazión
En tot o mundo os GR se señalizan con as colors roya e blanca. Dos linias orizontals (de 15cm x 5cm), la d'alto blanca e la d'abaxo roya endican a continuidat d'o camín. Dos linias formando una "X" endican que a endreza ye trafulcata. Cuatro franchas paralelas de colors alternas con una flecha apuntando ta un canto u á l'atro endiquen un cambeo d'endreza amanato.
[editar] Istoria
O proyeuto de Carrerons de Gran Recorrito se desembolicó en Europa fa zincuanta años. O primer carrerón inagurato en Aragón estió lo GR 11 en 1989.
[editar] Carrerons de gran recorrito en Aragón
| GR | Nombre | Endrezera | Distanzia | Etapas |
|---|---|---|---|---|
| GR 1 | Carrerón istorico | Puen de Montañana enta Sos d'o Rei Catolico | 135 km. | 8 |
| GR 8 | Puertos de Bezeit-Mayestrazgo Gúdar-Chabalambre |
Puertos de Bezeit enta Billel | 353 km. | 15 |
| GR 10 | Sierras de Chabalambre e Albarrazín | Abelluela enta Origüela de lo Tremedal | 205 km. | 12 |
| GR 11 | Carrerón perinenco | Zuriza enta Aneto | 194 km. | 12 |
| GR 15 | Carrerón preperinenco | Pont de Suert enta Algaraieta | 245 km. | 9 |
| GR 16 | Carrerons de Sarrablo | Biescas enta Nozito | 50 km. | 3 |
| GR 17 | Carrerón Mariano | Balbastro enta Torreziudat | 20 km. | 3 |
| GR 18 | Carrerons d'a Ribagorza | Fonz enta Aneto | 135 km. | 9 |
| GR 19 | Carrerons d'o Sobrarbe | Biadós enta Muro de Roda | 80 km. | 6 |
| GR 23 | Carrerons d'a Litera Alta | Fonz enta Albelda | 47 km. | - |
| GR 24 | Carrerons de Calatayú, Daroca e Gallocanta | Calmarza enta Perazens | 80 km. | 9 |
| GR 45 | Carrerons d'o Semontano | Bierxe enta Colungo | 126,5 km. | 13 |
| GR 65.3 | Camín de San Chaime | Somport enta Undués de Lerda | 190 km. | 5 |
| GR 90 | Tierras d'o Moncayo e Sistema Iberico zaragozano | Tarazona enta Badúls | 170 km. | 12 |
| GR 99 | Carrerons de l'Ebro | Zaragoza enta Pina d'Ebro | 44 km. | 8 |
[editar] Se beiga tamién
- Carrerons de chicot recorrito
- Carrerons europeyos de gran recorrito
