Euskal Herria
De Biquipedia
- Iste articlo trata sobre os territorios d'Euskal Herria. Ta atros emplegos se beiga País Basco (desambigazión).
Euskal Herria (en euskera "país de luenga basca") u o País Basco comprén os siet territorios que corresponden alto u baxo á l'aria lingüistica basca en tiempos istoricos. A bandera identificatiba d'o pueblo basco ye a ikurriña. Autualment, istos territorios son dibiditos entre os estatos español, e franzés, e tienen rans d'autonomía mui diferents. Güé, no bi ha denguna entidat almenistratiba reconoxita que replegue a totalidat d'o País Basco. Iste ye o territorio que muitos independentistas bascos reclaman ta formar un estato propio.
O País Basco ocupa una superfizie de 20.664 km²; en a parti más oczidental d'os Perinés, en o Golfo de Bizcaia. Tién o suyo propio idioma, o basco (minoritario frent á lo franzés e o castellán), e una poblazión d'unos tres millons d'abitans, unos dos millons e meyo d'os cualos tienen a ziudadanía española, e a resta la franzesa. Euskal Herria serba formata por siet territorios u probinzias (en basco lurralde, plural lurraldeak): Alaba, Bizcaya, Guipuzcua, Nabarra, Baxa Nabarra, Lapurdi, e Sola.
A luenga basca encara i ye fablata abitualment en belas rechions, sobretot Guipuzcua e partis de Nabarra. En atras, o basco ha estato sustituyito por o castellán u franzés. Güé en diya, o basco tién categoría de luenga ofizial en a Comunidat Autonoma Basca e en partis d'a Comunidat Foral de Nabarra, pero no'n tién dengún reconoximiento ofizial en as rechions baxo almenistrazión franzesa.
|
|
 |
|---|---|
| País Basco español u Hegoalde : Alaba | Bizcaya | Guipuzcua | Nabarra País Basco franzés u Iparralde : Labort | Sola | Ultrapuertos |
|
