Ultrapuertos
De Biquipedia
| Ultrapuertos | |||
|---|---|---|---|
|
|||
| Territorio |  País Basco franzés |
||
| Estato |  Franzia |
||
| Capital | Donibane Garazi | ||
| Aria | 1.325 km² | ||
| Poblazión Densidá |
30.000 (1999) 22 ab/km² |
||
 |
|||
Ultrapuertos u Baxa Nabarra (Nafarroa Beherea u Baxenabarre en basco) ye una d'as siet probinzias tradizionals que forman Euskal Herria. Forma la parti zentral d'Iparralde, y pertenexe á lo departamento d'os Perinés Atlanticos d'o Estato franzés.
[editar] Cheografía
Muga á lo sur con Nabarra, á l'este con Sola, á l'ueste con Labort e á lo norte con o departamento d'as Landas. A suya capital ye Donibane Garazi (en franzés St.Jean-Pied-de-Port).
Ye dibidito ofizialment en 7 cantons e tradizionalment en as 6 redoladas d'Ultrapuertos.
[editar] Nome
O suyo nome tradizional en nabarroaragonés ha estato Ultrapuertos. Dica epoca moderna no rezibe o nome de Baxa Nabarra en diferens idiomas, por influyenzia d'o franzés (Basse Navarre), egual que atras probinzias de Franzia como Alta e Baxa Normandía.
[editar] Istoria
En a Edat Meya formó parti d'o reino de Nabarra. D'alcuerdo con J.B Orpustán los zentros ya un poquet urbanizatos yeran en parte gasconizatos, u con bels abitadors gascons como se deduze d'a toponimia e antroponimia, ya que yeran lugars de paso dende Gascuña ta Nabarra u Castiella, por on pasaban os pelegrins que iban ta Santiago de Compostela u por donde pasaban comerzians.
En 1512 lo imbadió Ferrando lo Catolico e lo incorporó á la Corona de Castiella, estronando á los reis Catalina de Foix i Chuan III d'Albret. En 1530 Carlos I renunzió á la Baxa Nabarra debito á enchaquias estratechicas, ya que a suya situazión á lo norte d'o Perineu a feba inesfensable, inte que aprobeitoron os reis ta establir-sen, de traza que iste territorio permanixió como a unica resta independién d'o reino de Nabarra, dica o 1610, cuan Enrique IV reunió a corona franzesa y a nabarra.
|
|
 |
|---|---|
| País Basco español u Hegoalde : Alaba | Bizcaya | Guipuzcua | Nabarra País Basco franzés u Iparralde : Labort | Sola | Ultrapuertos |
|
