Fuina de papo blanco
De Biquipedia
| Fuina de papo blanco} | ||||||||||||||||
|---|---|---|---|---|---|---|---|---|---|---|---|---|---|---|---|---|
 Fuina de papo blanco |
||||||||||||||||
| Estato de conserbazión | ||||||||||||||||
|
||||||||||||||||
| Clasificazión zentifica | ||||||||||||||||
|
||||||||||||||||
| Nomenclatura binomial | ||||||||||||||||
| Martes foina | ||||||||||||||||
| Erxleben, 1777 |
A fuina de papo blanco (Martes foina (Erxleben, 1777)) ye un mamifero carniboro d'a familia d'es mustelidos, de pelo marron claret y coda de forma d'escoballo més lierga que en es suyos parienz as martas.
Fan una mida de 40 ó 50 cm de cuerpo, fendo cuasi 1,5 Kg de peso, con una carauteristica taca blanca en a gorga y ro peito, més gran que en as martas.
Fent diferenzia d'as suyas primas, istas fuinas s'estan a mayor parti d'es tiempos á ro suelo, y á sobent biben no luén d'es puestos humans, plegant ta abitar foratos d'as casas, en as falsas y bordas. Son istes es animals que se'n siente á dezir belas begadas que s'escuelan aintro d'es galliners ó coniellars y fan zerinadas. En aragonés, cuan cualsiquier se referix ent'un animal como á fuina sines d'espezificazions (color d'o papo), ye charrando d'ista espezie.
S'alimentan d'animals chicoz, güebos, muxons, ratons, imbertebratos ó fruita, pero d'o que més á sobent se'n siente á dezir ye de que esgarrapan as arnas ta mirar-ne ra miel, sines de fer garra caso t'as abiellas.
