Libro del Trasoro
De Biquipedia
 |
|---|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
O Libro del Trasoro ye una obra escrita por Brunetto Latini (1220-1294), intelectual florentino que bibió cuasi toda la bida en Franzia. En o Libro del Trasoro miró de fer una bisión global d'o saber unibersitario d'aquel momento, y tien capitols adedicaus a un bestiario, a la politica, a la istoria, etc., conque ye a enziclopedia mediebal más famosa y leída.
L'orichinal yera en franzés, y dimpués se'n fazió traduczions enta muitas lenguas europeas como l'italiano, o catalán, o castellano u l'aragonés. A traduczión aragonesa se conoix a trabiés d'un manuscrito d'a Seu de Chirona, escrito t'allá ta 1400, y fue traduzida dreitamén dende o franzés como amuestran muitos galizismos lingüisticos y a declarazión de l'anonimo traductor:
- "Quanto defalle viene de la part de mi, no sufiçient a la dita obra de traslatar de lengua francesa en aragonesa."
A lengua d'a traduczión aragonesa d'o Libro del Trasoro amuestra trazas más populars y amanadas enta l'aragonés moderno que a más gran parti d'as traduczions y testos en aragonés mediebal.
[editar] Binclos esternos
Dawn E. Prince. El aragonés literario a finales del siglo XIV. El testimonio del Libro del Trasoro. Edizions Dichitals de l'Academia de l'Aragonés. (formato PDF).
