Los Puertos de Moriella

De Biquipedia

Puertos de Moriella
{{{escudo}}}
País	País Balenziano
Comunidat autonoma	{{{ccaa}}}
Probinzia	Castellón
Capital	Moriella
Mayor poblazión	{{{mayor_poblazión}}}
Monezipios	14
Superfizie	997,70 km²
Poblazión Densidat	7.721 ab.  (2005) 7,70 ab./km²
Pachina web	{{{web}}}

Los Puertos de Moriella (en balenziano Els Ports) son una redolada balenziana d'o norte e montañosa, con capital en Moriella. Muga á lo norte e á l'ueste con Aragón e Cataluña (con o pico d'os Tres Reis, aintro d'os puertos de Bezeit), á l'este con o Baxo Mayestrazgo e á lo sur muga con l'Alto Mayestrazgo.

Ye una redolada catalanofablant, on se charra o sozdialeuto tortosín, de transizión entre o balenzián y o leridán, eszeuto lo monezipio d'Olocau del Rey, de fabla castellana, porque dependeba de l'arzobispato de Zaragoza y no de o bispato de Tortosa como o resta de a redolada.

O clima ye muito continental y os suelos sopre as calizas, pobres y erosionatos. Esto fa que l'agricultura mediterrania siga muito limitata y siga más importán a ganadería, en espezial bestiar bacún. En as zagueras decadas de o sieglo XX s'ha desembolicato a recolezión u cultibo de trufas por imitazión de os catalans que beniban ta os Puertos pa escar-ne.

Istoricamén ha tenido influenzia aragonesa y os ligallos con l'altiplano de Tergüel y o Baxo Aragón encara se manteneban en o sieglo XX. Esiste un danze, como enantes en muitos lugars d'Aragón, y una tendenzia a emigrar tanto ta a costa mediterrania como ta o Matarraña u ta la cuenca baxa de o río Guadalop, on son conoxitos como Els de la Serra, Pastors, Los de la Sierra. Muita chen d'Alcañiz, Calanda, Mas de las Matas u Balderrobres ye filla u nieta de chen que emigró en masa de lugars d'esta redolada y han feito fortuna.

[editar] Istoria

A zona estió poco poblata en a Edat Meya, pero teneba impotanzia estratechica pa os musulmans, que yeran bien establitos en las tierras planas de Lebant y de a Bal de l'Ebro. Los Puertos de Moriella yeran importans pa a comunicazión entre los moros de Zaragoza e Balenzia, y por ixo Alifonso I lo Batallero a prenió en 1117, con l'aduya de Gastón IV de Biarn. A capital de l'Ebro yera aislata de Balenzia, o suyo prenzipal apoyo, con a ruta de Los Puertos u Al Burt bloqueyata, y preparata pa estar presa l'año binient.

Cuan Remón Berenguer IV prenió Tortosa, Lerida e Fraga, la zona se plenó de poblazions musulmanas espulsatas u fuyitas, fendo difizil a ocupazión e repoblazión de lo Matarraña. Blasco d'Alagón conquirió a zona y o castiello de Moriella. Chaime I, beyendo o balor estratechico d'esta plaza, pensó que eba de pertañer a o rei y forzó a Blasco d'Alagón a da-le-ne, con a compensazión o contato de Sastago.

Parte de os repobladors de a zona estioron aragoneses de a Chazetania, y por ixo ye común l'apellito Tena, y en Lo Forcallo a diftongazión en -ia- de a E ubierta catalana y l'apichato de a G.

Bi eba presenzia templera, y dimpués de a disoluzión de os templers se creyó con os repuis de l'antiga orden de Montesa. O terreno gobernato por os d'esta orden se clamó Maestrat, (Mayestrazgo), y d'astí o nome de o nort de Castellón.

En o sieglo XIX estió un importán foco carlista. Cabrera prenió Moriella y fizo fuyir a l'exerzito isabelino prou superior que querera recuperar-la, por o cualo o tigre de o Mayestrazgo se fizo famoso en Europa y se'n charró muito en os periodicos de a epoca.

Redoladas d'o País Balenzián

Alicantín | Alcoyán | Alcalatén | Alto Mayestrazgo | Alto Millars | Alto Palanzia | Alto Binalopón | Balenzia | Bal d'Albaida | Bal d'Ayora | Baxo Mayestrazgo | Baxo Binalopón | Bega Baxa de a Segura | Binalopón Meyo | Campo de Murbiedro | Campo de Turia | Canal de Nabarrés | Condato | Costera | Güerta Norte | Güerta Ueste | Güerta Sur | Fueya de Buñol | Marina Alta | Marina Baxa | Plana Alta | Plana Baxa | Los Puertos de Moriella | Ribera Alta | Ribera Baxa | Rincón d'Ademuz | Safor | Los Serrans