Mitolochía bretona
De Biquipedia
A mitolochía bretona ye a mitolochía u repliega de falordias eroicas orichinatas en Bretaña, güé Franzia. Os bretons yeran un conchunto de chens zeltas que adotoron o cristianismo, ye por ixo que ista mitolochía ye sincretica entre a tradizión politeísta zelta druidica y o cristianismo.
Muitos dioses zeltas han pasato a la mitolochía bretona como santos. Por ixo a Ilesia Catolica no almite a toz os santos bretons como santos.
- San Gobrien ye en realidat o dios ferrer que se clama Govannon en Gales y Goibniu en Irlanda.
- San Korneli ye Cernunnos, o dios con os cuernos de zierbo u mardano.
No toz os santos bretons no almesos por a Ilesia Catolica son dibinidaz zeltas.
- San Gurthiern ye Vortigern, rei usurpador y traidor en a mitolochía galesa y presonache istorico.
Bi ha nomes de presonaches parexitos á os de presonaches de a mitolochía galesa.
- Rivanona, madre de San Erbando patrón de os bardos, probién de RIGANTONA, a mesma radiz que a Rhiannon de os Maginoggion.
- Guanius, carzeler en a bersión bretona de o martirio de Santa Ursula probién de a mesma radiz que o galés Gwinn ab Nudd
- Melga tamién carzeler en ista bersión ye o mesmo presonache que Meleagant de os mitos arturicos.
Os Anaon, almas de os defuntos, tienen una relazión remota probable con os Tuatha de Dannam, prinzipals dioses de la mitolochía irlandesa.
