Nabarroaragonés
De Biquipedia
O nabarroaragonés ye a denominazión de o romanze meyebal que representa a eboluzión de o latín en l'Alto Aragón, este y sur de Nabarra y en A Rioxa, no guaire diferén de o mozarabe de a bal de l'Ebro, que podería estar meso en este conchunto.
A bisión tradizional ye basata en fer enfasis por as diferenzias rechionals y en beyer o prozeso de castellanizazión lo más temprano posible, cosa que se desbinió en A Rioxa dimpués de a unión con Castiella.
Sin d'embargo en Nabarra y Aragón os testos no son representatibos de o charrar bibo, y a parte de diferenzias en a grafía, as diferenzias linguisticas reyals entre o nabarro y l'aragonés son chiquetas (y mesmo en os repuis que'n quedan en o castellán de Nabarra y Aragón).
A dibisión entre Rioxano, Nabarro y Aragonés ye util, sin d'embargo ta mostrar a diferén istoria linguística entre rechions con diferén istoria politica
En o caso d'este zaguero, esiste una bisión tradizional, propia d'autors como Manuel Alvar, que diz que l'aragonés de tierra plana, producto de a reconquista y repoblazión yera muito diferén de l'aragonés orichinal de l'Alto Aragón.
- Altoaragonés
- Aragonés de tierra plana
Esto ha estato contestato por bels autors modernos que argumentan que os testos meyebals no son representatibos de toz os carauters de a lengua charrata, y por a ebidenzia de l'aragonés residual de o Baxo Aragón.
| Dialeutos de l'aragonés | ||
|---|---|---|
| Aragonés meridional | Aragonés oriental | Aragonés ozidental | Aragonés zentral | Chodigoaragonés† | Nabarro† | Rioxano† | ||
