Romanze nabarro

De Biquipedia

Se dize romanze nabarro á las formas de o romanze nabarro-aragonés que se charraban en o sur y este de Nabarra. No esistiba deseparazión neta entre o nabarro y l'aragonés. As denominazions d'aragonés, nabarro y rioxano no responden a diferenzias reyals que esistisen en una mesma epoca, (podeban estar más grans con una redolada dentro de una mesma rechión), responden á las diferens istorias linguisticas de o romanze en ixos reinos u rechions como consecuenzia de diferen istoria politica. Esistiban diferens trazas d'escribir.

[editar] Ortografía

Lo diftongo -ua- s'escribiba -oa-: coal, coatro, jegoa.
Los fonemas palatals ñ y ll se representaban con unaI debant (-in-, -ill-, -yll-): castieyllo, castieillo, sieillo.

[editar] Fonetica

Mayor tendenzia á perder a -e final:
- Etxea Berri (Casa nueba en basco) > Exavierre (1091) > Xavier, (y atras barians dende 1102)
- Sin d'embargo, igual que en o fuero de Tergüel, no se produziba en os alberbios rematatos en -ment porque i yera una -t- entre meyo: -MENTE > -mentre
No se rechistran eboluzions de a -LL- enta -t-, -ch-, etz...
Se conserba o grupo latino -MB-, que en aragonés y burgalés eboluziona enta -m-
- palomba, ambos

[editar] Morfolochía

O demostratibo masculín singular ye esti u aquesti en cuenta d'estar est(e) u aquest(e), coinzidindo n'esto con l'aragonés que se charraba en la Comunidat de Tergüel, (se i documenta en la bersión romanze d'o Fuero y encara en testos de lo S XV y no ye estranio porque os nabarros interbinioron en a repoblazión d'esta zona), e con o rioxano. En os documentos d'o Monesterio d'Irache se documenta esti pero no aquesti.

[editar] Istoria

O testo més antigo conoxito en romanze nabarro seguntes P. Moret ye a conzesión d'o Fuero de Chaca en 1171 á os pobladors d'o Pueyo de Castillón de Sangüesa por parte de Sancho lo Saputo:

esta población fago á pró, é á salvamiento de mio regno, en el Puyo de Castillón sobre Sangüesa, é del Puyo é de los otros logares que lis ei dado por términos. E dó, á mios pobladores de Castillon, franqueza que qoal se quisiere mercadería, trayan en todo mi regno, non den peage ni en tierra ni en mar. E dolis franqueza que lures ganados pascan é vayan por todo mi regno, foras en los vedados de los caballos

[editar] Perbibenzias

Igual que en a probinzia de Zaragoza, bi ha muitos repuis lesicos. Ye de destacar:

En a redolada d'Eslava a chen biella emplegaba de choben a desinenzia -i pa a primera persona de o presén de os imperfeutos egual que en ansotano.
O nabarrismo más estendillato, ye l'antroponimo Xabier, adautato a muitas luengas ozidentals.
En o dreito foral nabarro encara esiste o termino dominio concellar.