Semontanés
De Biquipedia
| Bariedaz de l'aragonés | |
|---|---|
| Semontanés | |
| Nombre local: | |
| Charradors: | ? |
| Localizazión cheografica: | Semontano |
| Lugar(s) prenzipal(s): | |
| Rasgos dialeutals: | |
| Bitalidá: | |
| Escritors prenzipals: | |
O semontanés ye más que más l'aragonés de o Semontano Pirenaico, pero de feito ocupa terrenos de o Prepirineu y no ye diferén de lo que se charraba en os Monegros. No esiste una muga clara y neta ni con o chaqués ni con o sarrablés ni con o sobrarbés. Se puede considerar á o fobano como a forma de transizión entre l'aragonés meridional y o ribagorzano y á o chaqués de o cuadrilatero Lerés-Frauca-Samianigo-Larrés como a forma de Transizión dende o chaqués enta l'aragonés meridional y l'aragonés de a Tierra de Biescas.
Ye más igual entre todas as redoladas (no esiste o condicionán topografico de bals isolatas que permiten una eboluzión cada soz-redolada/bal á o suyo aire). As innobazions u las trazas más chenerals s'estendillan con fazilidat por todas as redoladas semontanesas. Sin dembargo tamién ye lo más castellanizato, por a mesma razón.
En as zagueras decadas a erosion lingüistica ha feito que os zaguers elementos aragoneses alzatos en as añadas 50-60, s'aigan perdito en a suya más gran parte. Güei lo que se siente más que más ye como un castellán con l'articlo aragonés cheneral, o, os, a, as, a particla pronominoalberbial en/ne, a costruzion le'n, les ne, a preposición ta y l'achiquidor –ed/-er eta.
[editar] Fonetica
- Sonorizazión de as xordas interbocalicas latinas fueras de casos isolatos de conserbazión: forato, melico, parete, rete, que pueden trobar-sen mesmo que en o castellán de sustrato aragonés de Tergüel.
- Esisten tamién casos, menos que os anteriors de sonorización de la oclusiva tras liquida.
- Se troban muito a sobén castellanismos foneticos: ocho, noche, ablar.
- O fonema -x- se pierde asobén por a presión castellana y se torna -ch-, pero en bels lugars tot y que se pierde en cheneral, se mantién en o demostratibo ixe, ixa, ixo, ixos, ixas.
- Tamién se troban muito cosas en común con o castellán rustico, bulgarismos, etz: aiga, faiga, baiga (que contrasta con l'aragonés de bellas Bals Axials: aya, faya, vaya, pero que s'ha agafato pa l'aragonés estandard).
- Podemos trobar aragonesizazions por ipercorrezión: coniello en cuenta de conillo.
[editar] Morfolochía
- A partícula pronominoalberbial "i" ye perdita, fueras de casos de fosilizazión.
- L'achiquidor –et suena como –ed u –er seguntes as zonas.
[editar] Bariedaz
| Dialeutos de l'aragonés | ||
|---|---|---|
| Aragonés meridional | Aragonés oriental | Aragonés ozidental | Aragonés zentral | Chodigoaragonés† | Nabarro† | Rioxano† | ||
| Bariedaz meridionals de l'Aragonés | ||
|---|---|---|
| Aragonés de o Semontano de Balbastro | Ayerbense | Biellosobrarbés | Nabalés | | ||
