Plaza d'Aragón (Zaragoza)

De Biquipedia

A Plaza d'Aragón (Plaza de Aragón en castellán e ofizialment) ye una plaza d'o zentro de Zaragoza que ye situata en un d'os estremos d'o Paseyo d'a Independenzia (que a desalparta d'a Plaza d'España). En ista plaza se pueden beyer o Molimento á lo Chustizia d'Aragón, fundito en 1892 e instalato en 1904 u o edificio de Capitanía Cheneral, buen exemplo de neoclasizismo tardano.

[editar] Istoria

D'antis más en o mesmo puesto á on se i troba güé a Plaza de Aragón yera o dito Salón de Santa Engracia que remataba en a Glorieta de Pignatelli, dentrata á la Exposizión Aragonesa de 1868. Ya en 1874 os edifizios d'a exposizión s'esboldregoron ta construyir atros nuebos como lo Tiatro Pignatelli que permanixió en ixe puesto dica 1915 e a Capitanía Cheneral Melitar que encara ye situata en un d'os cantos d'a plaza.

Tamién pueden beyer-sen en os dos cantos d'a plaza os bustos d'os escritors Marcos Zapata e Julio Monreal Ximenez de Embún e d'os periodistas Mariano de Cavia e Fernando Soteras "Mefisto".