Río de las Truitas
De Biquipedia
|
||||
|---|---|---|---|---|
 |
||||
| Longaria | km | |||
| Altaria d'o naxedero | m | |||
| Cabal meyano | m³/s | |||
| Superfizie d'a cuenca | km² | |||
| Naxedero | Mosqueruela | |||
| Desembocadura | río Alcherez (Lo Forcallo) | |||
| Estatos per an pasa | {{{estatos}}} | |||
| Territorios per on pasa | Tergüel Castellón | |||
| Río | ||||
O Río de las Truitas (Rambla de las Truchas en castellán) ye un río d'a Peninsula Iberica, afluent de lo río Alcherez.
Naxe en lo norte de lo termin de Mosqueruela á man de la Fuent de la Peniella (en castellán Fuente de la Pinilla), baxa en direzión norte pasando entre los términs de La Iglesuela e Billafranca (fendo de muga entre Tergüel e Castellón), e pasando á man de Lo Portiel e Zinctorres dica plegar ta lo Forcallo, on las suyas auguas e las de lo Río de la Cuba confluyen con lo río Alcherez.
Tién pocos afluens d'importanzia. En La Iglesuela rezibe los aportes de lo Barranco de La Tosquiella, que encara que siga corto ye de los pocos que leban augua en berano.
En a suya cuenca bi ha presenzia de chicotas selbas caduzifuellas relitas e d'espezies caduzifuellas en meyo de pinetas, carrascals e caxicars: abellaneras, azirons, telleras, triemols, etz...
[editar] Istoria
Pa Mosqueruela, lo río de las Truitas ha representato istoricament a unica fuent d'enerchía idraulica pa moler grano y fer-ne farina. Á man de lo naxedero, una canal esbarraba las auguas enta la cucha de lo cauz pa ganar altaria e poder mober las ruedas de molín. En lo sieglo XIV se documentan tres molins propiedat de la familia Gil de Palomar, agora nomás se'n conserba completo que un, clamato molino de las truchas e antigament molino del medio. Un quilometro más enta baxo se troba lo martinete, antigament Molino de la Peniella, que tamién yera ferrería.
En lo tramo que trescurza entre los termins de La Iglesuela e Billafranca, pasa á lo costato de l'aldeya de Billafranca clamata Pobla del Ballestar on bi ha un puen gotico. Seguntes se diz en lo Llibre dels Feyts esta puen estió la que Chaime I d'Aragón emplegó pa entrar ta tierras balenzianas la primera begata.
[editar] Nome
En castellán se clama güei Rambla de las Truchas y en lo zaguer tramo en Castellón se clama Rambla de Celumbres. En los testos meyebals en latín, aragonés u catalán lo consideran río, e lo claman de las Truitas u de les Truites.
Tamién se clamaba Río de las Truitas á Billafranca, como se bei en un testo de 1239 cuan Blasco d'Alagón dona lo terreno d'ixe futuro lugar pa que lo repueblen:
- Notum sit cunctis, quod nos Blascus de Alagon, per nos et omnes successores nostros, cum hac presenti scriptura imperpetuum valitura, damus vobis Marcho de Villarlongo et vobis Garcia Navarro, ad populandum, quandam hereditatem nostram que est in termino de Cuellar, qua hereditas dicitur Rivus de las Truytas.
