La Iglesuela

De Biquipedia

La Iglesuela
Comunidat autonoma	Aragón
Probinzia	Tergüel
Redolada	Mayestrazgo
Codigo postal	44142
Latitut Lonchitut	{{Coor dd| lon=-0.318|lat=40.483}}
Superfizie	40,29 km²
Altaria	1227 m.
Distanzia	113 km enta Tergüel
Poblazión	498 ab. (2006)
Chentilizio	{{{chentilizio}}}
Ríos	{{{ríos}}}
Pachina web

La Iglesuela (L'Anglesola en catalán; La Iglesuela del Cid ofizialment en castellán) ye un monezipio de a probinzia de Tergüel, situato en a redolada de o Mayestrazgo. A suya poblazión ye de 498 abitans (2006), en una superfizie de 40,29 km².

Contenius 1 Cheografía 2 Istoria 3 Nome 4 Charrar 5 Molimentos 6 Curiosidaz 7 Fiestas 8 Referenzias

[editar] Cheografía

Ye situato muito amán de a muga probinzial y más amán de Castellón de la Plana que de a capital tergüelana. Dende La Iglesuela se plega ta la muga de la probinzia por dos carreteras, una que ba ta lo Portiel puyando por lo Puerto de las Cabriellas, e atra que baxa ta lo Río de las Truitas en direzión Billafranca.

A bechetazión natural son pinetas, carrascals e caxicars, pero bi ha abundant presenzia d'espezies caduzifuellas, en espezial en lo parache de La Tosquiella.

[editar] Istoria

Bi ha un chazimiento iberorromán en una muela á 4 km a l'este de o lugar, se creye que corresponde con l'Ateba de os ibers edetans. Güei n'esta muela bi ha una ermita clamata Nuestra Señora del Cid, que aprobeita piedras de una antiga billa romana, belunas con inscripzions y rosetas, y que representa o puesto más rico en inscripzions romanas e iberas de tota a probinzia de Tergüel; en una inscripzión puede leyer-se M.C. SERANUS y puede ser clau pa interpretar o toponimo baxoaragonés Castelserás.

En ixa muela parixe que i yera o prinzipal nuclio d'asentamiento en o periodo musulmán. Bi eba un castiello ya escachato en o sieglo XVIII, que s'ha relazionato con o Zit. Dimpués l'asentamiento prinzipal cambeó ta l'atro costato de o barranco, on güei trobamos La Iglesuela.

La Iglesuela pertenexió á os caballers de a Orden d'o Temple, y yera almenistrata dende a Bailía de Cantabiella. Os templers atorgoron Carta Puebla á La Iglesuela en 1241; lo testo d'a Carta Puebla ye en latín con muitos elementos en aragonés, por exemplo referindo-se a las mugas d'o termin:

Termini vero Ecclesie del Cit sunt isti, sicut vadit regallo de Nogueruellas et exit illo cabezo de las Casiellas (¿Cariellas?) et sicut vadit el cierro aiuso et inde procenditur in illa sienda que pergit las Bellosiellas et sicut dicurit alrio de las Trytiellas et vadit a las Cuevas de Staques et sicut exit lo cierro a suso et vadit a la calçada vetula et inde procenditur in illo rivo de las Albaredas et sicut vadit illo rivo de las Albaredas a suso et exit ad illo rivo de las Nogueruellas

Os templers de La Iglesuela resistioron á Chuan II d'Aragón en a mesma fortaleza que i eba (a Torre de los Nublos en ye un repui). Cuan esta orden se disolbió, a bailía de Cantabiella, que incluiba La Iglesuela pasó á os Espitalers.

En os sieglos XVI-XVII i abió esplendor economico, a lana d'obella s'esportaba ta Italia. D'ista epoca ye guena parte de o patrimonio arquiteutonico.

[editar] Nome

Bi ha en atras partes de a Peninsula Iberica toponimos parexitos y puet estar que o parexito con Ilesia u Iglesia siga por analochía. Esiste a interpretazión que tiengan que beyer con una radiz que en castellán ha dato guijo, guija, guijarro (cantal, piera) y de feito l'antigo puesto on yera lo lugar ye un chazimiento arquiolochico con muitas losas y piedras de costruzión d'epoca romana. En castellán a eboluzión d'esta radiz ha estato:

(PETRA) AQUILEA > AGUILLA > guija.

En a Carta Puebla de 1241, escrita en latín, saliba latinizato como Ecclesie del Cit u Ecclesia del Cit.

Et omnis ballestarius de monte vivens cum bellesta sua et habitans in populatione qui iam est dicta Ecclesia del Cit .

En o Fuero de Balenzia en dizen La Gleziola:

Aquests són los térmens del regne de València: del canar de Uyldecona, que és riba la mar, axí com va lo riu ensús, e passa per la Cénia, e ix a Benifaçà, e roman Benifaçà e.l terme del regne de València. E Morella ab sos térmens, axí com parteix ab Monroyg; e ix al riu de les Truytes, que és prop la Gleziola; e axí com va a Arçedo e a Ledo, los quals són dintre el dit regne. E axí com va a la Musquerola, e de la Musquerola a Móra, e entenem Riuvellos e.l dit regne. E de Móra, axí com va a la Font de la Babor, e axí com va el riu d'Alventosa, e ix a la Maçanera, però dellà el riu és d'Aragó, e del riu ençà és del regne de València.

En aragonés o nome ha tenito muitas barians: Clesihuela, Egosuilla, Alglisuela, Layguysuela y Delaigleisuela, dica 1464, cuan plegó ta o nome definitibo, La Iglesuela, que s'emplegó ofizialment por lo menos dica 1797. Dimpués en 1834 prenió l'apelatibo «del Cid», dedicato a don Rodrigo, qui mandó fortificar o lugar y debantar o castiello.

[editar] Charrar

Esiste una replega lesica feita por Carlos Julián Rochela publicata por Mira Editors en 1998 ^[1].

Palabras curiosas d'Iglesuela son: Chamarata (flamarata), A jambre, Capolla, Clasca, Cocot, Contalla, Embadallar, Ensundias, Esculloso, Falzija, Fargallada, Ferramenta, Fetillero, Figa, Jugo, Lamín, Lera, Mantonar (mantornar), Paparullas, Perdigán, Rebullir, Sunsida, Tartir, Tierco, Tresena, Zinglo.

Como en Cuebas de Cañart, i trobamos muitos aragonesismos pero tamién bels catalanismos porque ye amán de a muga con o Norte de Castellón, on se charra un catalán nordozidental de transizión enta o balenzián.

[editar] Molimentos

Esiste gran riqueza monumental. Dende luén o primero que se bei son as dos torres: Torre de los Nublos u del Exconjurador y o campanar.

• A Torre de los Nublos ye a unica parte que queda de o castiello templer de o sieglo III u prinzipios de o sieglo XIV, en concreto ye a torre de l'omenache. O resto de o castiello templer se tresbatió cuan s'edificó en o mesmo solar atros edifizios como la Casa de la Billa.
• A Casa de la Billa ocupa lo que estió corredor pa plegar t'a Torre de l'omenache.
• A Ilesia parroquial ye de 1577.
• Bi ha edifizios singulars en o casco biello que s'esplican porque muitas familias nobles eslioron La Iglesuela como lugar de residenzia. Son as casas d'os Aliaga, Daudén, Matután, Santapau.
• Ermita de La Virgen del Cid, aprofitando materials d'un chazimiento iberorromán.

[editar] Curiosidaz

La Iglesuela representa un caso de perbibenzia de o tipo de religada clamata roseta: la trobamos entre as piedras romanas aprobeitatas pa fer a famosa ermita y tamién en a Casa Daudén, de o sieglo XVI.

[editar] Fiestas

• 27 de mayo, Zit de mayo.
• 30 de chulio, San Abdón y San Senén.

[editar] Referenzias

1. ↑ JULIAN ROCHELA, Carlos El Habla de La Iglesuela del Cid. Mira Editores