Sierra d'Arro
De Biquipedia
A sierra d'Arro ye un chicot sarrato que trescruza ro monezipio d'O Pueyo d'Araguás dend'a balle d'a Zinca enta ro Barranco d'o Plano á man d'Arro, en direzión este-ueste. Sobrepasa escasament es 1000m d'altaria per a suya parti més oriental, en o dito Tozal de Santa Catalina (á on que s'alza ra ermita homonima).
Desepara en o norte es lugars de Baixo Peñas e ra Collada de Baixo Peñas (Araguás, Torrelisa, Os Molins, etz.) de ra plana alta d'O Pueyo. Antigament, en o suyo zentro bi eba un nuclio abitato, A Caixigosa, güei desabitato.
O Mont d'Araguás (858m) prezipita per l'ueste ra suya fesionomía dic'o nibel d'a Zinca, que ziercula per es suyos piez. A parte meyanera d'o sarrato tien o tozalet més altero á 938m d'altitut, á mientres que per a rematanza suya á l'este, o tozal de Santa Catalina s'enfila t'alto ta es 1047m, estando-ne de tot o puesto més altero. Per ixa man, a bersant d'Almozaras baixa ent'a poblazión d'Arro, ya en o termin monezipal d'A Fueba.
O canto meridional d'o sarrato se debuixa como á una altiplana, que domina o lugar d'O Pueyo d'Araguás, que poquet á poquet, baixa ent'a Zinca per l'Aínsa.
