Sobrepuertano
De Biquipedia
Sobrepuertano ye l'aragonés que se charra en o Sobrepuerto, sozredolada de l'autual Sarrablo que güega con o Sobrarbe. Ye muito parexito a l'aragonés de a Tierra de Biescas, pero tiene bels rasgos comuns con o polo oriental de l'aragonés. Se conoxe grazias a os triballos lexicografitos y literarios de Jose Mª Satué.
Contenius |
[editar] Fonetica
Exemplos de xordas intervocálicas conserbatas:
- capeza, crapazín, amullatar, fusata, caxico, sarrato
Casos de perduga de –o final:
- plan, tabán, fraxín
En a toponimia bi ha casos d'eboluzión de a -LL- cheminata latina enta sonitos cacuminals: -ch- en Ainielle, Basarán y Otal, -t- en Escartín:
- Batiecho, Cundiacha
- Batella, Batellón, Castetillo, Ostatiás
Casos d’eboluzión de –ND- enta –ñ-
- Baraña, foñada, cañabla
Esto ye un feito curioso que mos aduya a interpretar a evolución fonetica de l’aragonés pirenaico preliterario:
- A ñ en aragonés y lenguas d’arredol ye una evolución de a –NN- cheminata latina y de –NY-. (PENNA > peña, Hispania > España).
- Esisten referenzias meyebals de toponimos con –NN- cheminata, (Lanna, Panno), que probienen de o grupo –ND- y que güei se troban con –n- simpla, (Lana, Pano).
- Baraña, foñada, etz…tienen –n- en atrás bariedaz d’aragonés, (y mesmo –nn- en belsetán).
- A deduzión lochica ye que en o Sobrepuerto a evolución de a –ND- latina enta –nn- se dio cuan encara no eba rematato de tot a eboluzión de a –NN- latina enta ñ, y que a –nn- que beniba de –ND- continó evolucionando, como venise de –nn- latina, enta ñ, (en atrás zonas, más orientals, a –nn- no eboluzionó enta ñ, y remató en –n-, (plegando os casos de ñ dende fuera en tiempos más reziens).
[editar] Morfolochía
- Complento bi/i perdito, solo lo beyemos fosilizato en i hai.
- Articlo ro, ros, ra, ras perdito en o charrar bibo, pero con repuis en a toponimia.
- Se rechistra prou, tipico de o polo oriental de l'aragonés, estando limite ueste d’esta forma.
[editar] Lesico
- Como representazión de lesico ozidental tenemos:
- catirón, a ormino y xorruntar
- Como representazión de lesico oriental tenemos:
- guambra y rebasto.
- Coesisten formas orientals y ozidentals:
- obella con güella
- lurte con esliz
- calderizo con cremallo
- Esisten palabras comuns con Ballibió, Broto y Tena:
- sisatera, trusa, marueño, fenal
- Y palabras tipicas de o Sobrepuerto como:
- musal, xolorar, xurrumido u esperringlero
[editar] Enrastres esternos
- (an) Bocabulario de Sobrepuerto en a rebista d'Amigos de Sarrablo
- (es) Nombres de lugar de Sobrepuerto
| Dialeutos de l'aragonés | ||
|---|---|---|
| Aragonés meridional | Aragonés oriental | Aragonés ozidental | Aragonés zentral | Chodigoaragonés† | Nabarro† | Rioxano† | ||
