Tuca Llardana

De Biquipedia

Llardana
A tuca Llardana dende o Pico Espadas
Altaria	3.375 m
Latitú	42°39′ N
Lonchitú	0°25 E
Situazión	Grist, Ball de Benás, Uesca
Cordelera	Perinés
Primera puyada	H. Halkett; 6 d'agosto de 1856
Rota de puyada más fázil	Dende o cubillar Ángel Orús por a Canal Fonda (Ruta Reyal)

A tuca Llardana u pico Posets, con 3.375 metros ye o segundo pico más alto d'os Perinés, dezaga de l'Aneto. Situata en a parti meya d'a cordelera, ofrexe una ambista que la fa ochetibo deseable ta muitos alpinistas

Parixe que o nombre de Posets probiene d'unos pozos (posets, en benasqués) que bi ha en a suya bersan ozidental, por ixo ye asinas como se le clama en a bal de Chistau, mientres que en Estós y Mont d'Astos (Franzia) ye dita Llardana (cremata), por l'aridez d'a suya cara este.

[editar] Primera puyata

A primera puyata estió lo 6 d'agosto de 1856, dimpués de l'Aneto. O primer alpinista que plegó á la zima estió lo britanico H. Halkett. Aberban de pasar cuasi bentizinco añadas ta la primera puyata ibernal, que la fazioron Roger de Monts y Célestin Passet.

[editar] Ruta Reyal

Ye a ruta més conoxita. Dende puén d'Espiantosa (1.505 metros) en a ball de Benás, se puede ir-ie en 1h 45' dica o cubillar Ángel Orús (2095 m). Dende o cubillar s'ha de salir enta o norueste por un camín mui bien siñalato. En menos d'una ora se trescruza o torrén y s'arriba á una pleta. Un poco más ent'alto lo camín se bifurca. Agafando lo d'a dreita se dentra á la canal fonda an cuasi tot l'año bi ha chelo. Ye combenién lebar crampons y piolet.

Dimpués de tres oras se ye á los piez d'a Dent de Llardana (á la cuala se'n puede puyar). Continado por a cantaleta primero y por a cresta de bloques fazils dimpués, se plega á la tuca en unas 4 oras (dende o cubillar).

A baxada se fa por o mesmo camín en tres oras.