Yesero

De Biquipedia

Yesero
{{{imachen}}}
Comunidat autonoma	Aragón
Probinzia	Uesca
Redolada	Alto Galligo
Codigo postal	22639
Latitut Lonchitut	{{Coor dd| lon=-0.25|lat=42.617}}
Superfizie	30,2 km²
Altaria	1.132 m.
Distanzia	80 km enta Uesca
Poblazión	70 ab.
Chentilizio	yeserense
Ríos	{{{ríos}}}
Pachina web	{{{web}}}

Yesero (Yésero en castellán) ye un monezipio d'a probinzia de Uesca situato en a redolada de l'Alto Galligo.

Ye situato en a bal de Gabín, sobre o barranco de Sía e entre a sierra Tendenera e o mont Erata. L'azeso á lo lugar se fa por a carretera N-260 que comunica Biescas e Broto, por meyo d'o puerto de Cotefablo.

Aparixeba ya en os decumentos de 1076 e en l'año 1488 b'eban diez fuegos. Á la fin d'o sieglo XV yera a poblazión más gran d'a bal.

[editar] Molimentos

A suya ilesia parroquial, de San Saturnino ye d'o sieglo XVII, construyita sobre atra más antiga que yera d'estilo romanico sarrablés, d'a que encara s'alzan dos chicotas finestras en a suya torre.

Tamién destaca l'armita d'a Birchen d'as Nieus, situata en a confluyenzia d'os barrancos de Sía e d'o barranco d'o Infierno, estió construyita en os sieglo XVII. En 1885 se diz que a Birchen d'as Nieus intrezedió por os abitants de Yesero ta librar-les d'una epidemia de colera que b'eba en Biescas e Gabín.

Aintro d'a suya arquiteutura popular b'ha casas d'os sieglo XVIII con os tipicos elementos perinencos como as chamineras tronconicas e os espantabroxas. Destaca prenzipalment a Casa de la Pez, un edifizio d'o sieglo XV á on antigament se feba o pego, autibidat economica prenzipal de Yesero. Ista casa tamién ha estato en a suya istoria ayuntamiento, escuela, garchola e carpintería.

[editar] Fiestas

• A fiesta chicota se fa o 20 de chinero, en onor a San Bastián. A bispra d'iste día de nueis se fa una chera en a plaza de Fenero arredol d'a cuala i son os bezins d'o lugar.
• As fiestas mayors son o fin de semana más amán d'o 8 de setiembre, en onor á la Natibidat d'a Birchen.