Brauchtum

Aus Wikipedia

Der Àrtikl is im Dialekt „Obaboarisch“ gschriem worn.

Brauchtum nennt ma de Gesamtheit vo Breich, de in am bschtimmtn Kulturkreis ausgübt wern. Brauchtum is woi in jeder Kultur recht wichtig. Aa im boarischsprochign Raum is des a zentrals Thema, wenn's drum geht, wia ma uns selba seng und wia ma vo da Welt gseng werdn.

So mancha Brauch kennt koa Staatsgrenzn, sondan wead mea oda weniga identisch sowoi in Baian ois aa in Estareich oda Sidtiroul gfeiat. Bsundas in de Oipn ham se soiche ibaregionaln Breich dahoitn.

Inhaltsverzeichnis

1 Weltlichs, religiös' und heidnischs Brauchtum
2 Breich im boarischn Raum ^[1]
3 Quejn
4 Weblinks

[dro werkln] Weltlichs, religiös' und heidnischs Brauchtum

As religiöse Brauchtum spuit im boarischn Spròchraum a grouße Rojn. Ned wenig vo dene, meist katholischn, Breich ham ihre Wurzln in da vorchristlichn Zeid. De Neimischung vo oide heidnische Breich hod se in da Zeid vo da friahn Christianisierung ergemm, wo de Missioniare recht offn gengüba da Integration vo oideigsessne Traditiona in de christlichn Festln warn. Manche scheinbar weltlichn Breich ham wiederum ihr Ursprung in christliche Festln. Oft ham de Breich an deitlichn Bzuag zu da oa oda andan Fruchtbarkeitssymbolik, wos ned vawundat, war doch freara da Ertrag aus da Landwiatschaft lemmswichtig. Emmfois a grouße Rojn spuit des Austreim vo beese (Natur)geista, de Mensch oda Viech schodn kanntn.

[dro werkln] Breich im boarischn Raum ^[1]

Bei manche Breich foit's schwaar, dass ma's auf an bschtimmtn Monat festlegt. Fasching, Ostern und Pfingstn beispuisweis kennen vo Joar zu Joar a wengal varutschn. Andane Breich, wia de Unruahnocht, wern vo Gengd zu Gengd zwar auf desejbe Weis, aba an untaschiadliche Termine beganga.