Felix Mitterer
Aus Wikipedia
 |
Der Àrtikl is im Dialekt „Owaöstareichisch“ gschriem worn. | |
Da Felix Mitterer (geboan am 6. Februa 1948 in Achenkirch, im Beziak Schwaz in Diaroi) is a diarola Schriftschdöla, Dramatika und Schauschbila. Fu eam schdãman fü Drabiacha, Déataschdikl und Heaschbü. Ea bezaichnet si søwa ois „Tiroler Heimatdichter und Volksautor“ und håd fü kritische Schdikl gschrim, dé in Ésdaraich und Daidschlãn oiwai wida fia Wüawi in de Medien gsoagt hãm. Am gressan Publikum is a foa oim ois Drabuach-Autor fu da TV-Serie "Piefke-Saga", fum Feanse-Füm "Andreas Hofer - Die Freiheit des Adlers" und ois Iwaséza fum Astarix auf Diarolarisch bekãnt.
Inhaltsverzeichnis |
[dro werkln] Sâi Lém
Da Felix Mitterer is ois Buzal glai nåch da Gebuat fu am Lãndoawata-Boa adopdiad woan. Ea is in Kizbül und Kiachbeag in d Schui gãnga. Dãn woar a in da Lealingsschui in Insbruk und håd danå åb 1966 bain Zoiãmt doatn goawat. 1970 han zan easchdn Måi TV-Baidreg fu eam im ORF bråcht woan. 1977 håd a si ois fraia Schriftschdöla søbschdendi gmåcht. Ném saina litararischn Oawad is a oiwai wida a ois Schauschbila aufdredn, wia in saim Schdikl "Kein Platz für Idioten". Da Mitterer Felix oawat und lébt said 1995 gemainsãm mid saina Familie in Castlelyons in Ialãnd.
In saine Déataschdikl fawent a oiwai wida a mundoatliche Kunstschbråch, maistns Diarolarisch, und schded so schbråchlich wia a inhåitlich oft in da Dradizion fu dé so gnendn Foiksschdikl. Ea graift d meara Zaid broblematische Déman auf, dé dãn oft a hefdige Kontroveasn auslesn, wia zan Baischbü in saim Schdikl "Kein schöner Land", wo s ums Âidringa fum Faschismus in a lendliche Gmõa ged. Mid da satiarischn "Piefke-Saga" håd a si s schwiarige Fahøtnis fu de Ésdaraicha und de Daidschn und a d Auswiakungen fum komeazieln Massntourismus am Baischbü fu am diarola Beagdoaf zan Dema gmåcht. De meadailige TV-Seria is fun ORF 1991 zum easchdn Måi gsent woan und håd dåmåis hefdige Reakzionen ausglest - fu Laid dénan s exdrém guad gfåin håd, bis zu Laid dé dés gãnze ois Frechhaid oda Gscheftsschedigung ãngseng hãm.
D "Piefke-Saga" und d "Verkaufte Heimat", wo s um de Gschicht fu de Siddiarola im Zwoatn W¬dgriag ged und dé a fum ORF ausgschdråid woan is, hãm in Felix Mitterer ende fu de 1980ga Joa zan grosn Duachbruch fahoifn. Saine Figuan san oft sozial isoliade Aussnsaita, so wia in "Kein Platz für Idioten" oder in "Die wilde Frau".
In Mitterer Felix sâine Schdikl wean oiwai wida fu faschidane Déata inszeniad und han maisdns a grossa Publikumsmagnet. Ea schåfts oiwai wida, das a sowoi d Kritika, intelektuele Kulturkonsumenten, wia a s grosse Publikum fum Feansen und a d Laid am Lãnd in saina Hoamad Diaroi glaichamåssn mid saine Weak intressiad und zan nåchdenga bringt.
[dro werkln] Brais
Nåchdém saine kritischn Schdikl an grossa Publikumseafoig ghåbt hãm, håd da Mitterer Felix a an Haufn Brais fia sâi Oawad griagt. Zan Baischbü 1987 in Peter-Rosegger-Brais fum Lãnd Schdaiamoak, 1991 in Adolf-Grimme-Brais und d Romy fia d Piefke-Saga, 2001 in Ernst-Toller-Brais und 2004 sogoa in Prix Italia fia sâi Heaschbü "Die Beichte", dés 2003 a in Ésdaraich s Heaschbü fum Joa woan is.
[dro werkln] Sâine Deataschdikl
- 1977 - Kein Platz für Idioten (Uaaufgfiad bai da Diarola Foiksbüne Blaas am 15. Septemba 1977)
- 1982 - Stigma. Eine Passion. (Uaaufgfiad bai de Diarola Foiksschauschbü in Telfs 1982, ORF Aufzaichnung)
- 1985 - Besuchszeit. (Uaaufgfiad im Déata "Die Tribüne" in Wean, RAI/BR/ORF Aufzaichnung, ZDF/BBC Fafümung)
- 1986 - Die wilde Frau. (Uaaufgfiad im Åidinsbruka Bauandéata, fum ORF fafümt)
- 1987 - Verlorene Heimat. (UUaaufgfiad bai de Ziladåla Foiksschauschbü Stumm, ORF Aufzaichnung)
- 1987 - Kein schöner Land (Uaaufgfiad im Diarola Lãndesdéata Insbruk, ORF Aufzaichnung)
- 1989 - Die Kinder des Teufels. (Uaaufgfiad in Schauburg (München))zum Grichtsbrozess fum Schinderjackl, dea a Zaubarajakl gnend wiad.
- 1989 - Sibirien. (Uaaufgfiad bai de Diarola Foiksschauschbü in Telfs, ORF Aufzaichnung und Fafümung)
- 1990 - Munde. Das Stück auf dem Gipfel. (Uaaufgfiad am Güpfi fu da Hochn Munde)
- 1990 - Die Kinder des Teufels. ésdaraichische Easchtauffiarung im Foiksdéata in Wean)
- 1991 - Ein Jedermann (Easchtauffiarung im Déata in da Josefschdåd in Wean)
- 1993 - Abraham. (Uaaufgfiad im Linza Lãndesdéata, ORF Aufzaichnung)
- 1994 - Krach im Hause Gott. (Uaaufgfiad bai de Bregenza Festsschbü)
- 1998 - In der Löwengrube. (Inschbiariad fum Leo Reuss saina Lémsgschicht; uaaufgfiad im Foiksdéata in Wean)
- 1998 - Die Frau im Auto. (Uaaufgfiad im Linza Lãndesdéata)
- 1999 - Tödliche Sünden. (Uaaufgfiad im Diarola Lãndesdéata Insbruk)
- 2000 - Mein Ungeheuer. (Uaaufgfiad bai de Diarola Foiksschauschbü in Telfs)
- 2001 - Gaismair. (Uaaufgfiad bai de Diarola Foiksschauschbü in Telfs)
- 2002 - Johanna oder die Erfindung der Nation. (Uaaufgfiad im Såizbuaga Lãndesdéata)
- 2004 - Kreuzweg Hochberg (mid n Herbert Meusburger)
- 2004 - Die Beichte (Uaaufgfiad bai de Diarola Foiksschauschbü in Telfs)
- 2006 - Die Weberischen (Musical, zan easchdn Måi inszeniad bai de Faainigtn Bünen Wean)
[dro werkln] Drabiacha
- 1981 - Der Narr von Wien. Aus dem Leben des Dichters Peter Altenberg.
- 1986? - Erdsegen. (nåch n glaichnãmign Roman fum Peter Rosegger)
- 1988/1989 - Die verkaufte Heimat. (Teil 1 & 2)
- 1991 - Die Piefke-Saga. Komödie einer vergeblichen Zuneigung - Realsatiare
- 1993 - Die verkaufte Heimat. (Teil 3 & 4)
- 1993 - " Alle für die Mafia" ( TV Zwoadaila mim Mario Adorf)
- 1998 - Krambambuli (nåch da Marie von Ebner-Eschenbach)
- 1999 - Passion.
- 2002 - Andreas Hofer – Die Freiheit des Adlers
- Dreharbeiten März 2007 - Tatort Granit (Oawadstitl)
[dro werkln] Kindabiacha
- 1977 - Superhenne Hanna. (Kinderbuch), Nåchfoiga: Superhenne Hanna gibt nicht auf
- 1979 - Jakob und der Hund Patrick
- 2005 - mid da Anna Mitterer midanãnd Die Jagd nach dem hohen C
- Herbst 2007 - Süperküken Hanna (Büdabuach)
[dro werkln] Asterix
- Asterix auf Dialekt, Band 39 (Tirolerisch I), EHAPA Valag: Obelix und s'groasse Gschäft (Hochdaidsch: "Obelix GmbH & Co. KG", iawsézt fum Felix Mitterer)
