Fuaßboi
Aus Wikipedia
 |
Der Àrtikl is im Dialekt „Mingarisch“ gschriem worn. | |
Fuaßboi is wahrscheinle oane vo de Mannschaftsspoatarten, de de Leit bei uns, wo ma bairisch red, om liabsten meng. G'schbuit wiad af zwoa gengüba liegende Tor' mit öif oane gega öif ondane, wobei a jeda an Boi nua mit de Fiaß in da Gengd umanandatreten deaf; Brust, Mong und Belle zeyn owa aa no. Nua da Toamo deaf an Boi in seim 16-Meda-Raum mit de Händ ograbbeln, um sei Tor zu vateidigen. Dazu ziagt ea meist Hondschuch o, wos owa zu Beginn vo dera Spuatart no ned dea Foi g'wen is.
Damit koana vo de Schbieler an Radau, g'nannt Foul, mocht, gibt's no d'Schiri mit de zwoa Heyfa an da Saitnlinie, de wo eahm ozeing, wenn a Schbieler im Obseits g'schdondn is oda an sonsting Schmorrn g'mocht hot. As Abseits is dawei so schwaar zu vazäyn, dass des eh koa Sau kapiat, desweng lass'mas glei weg. Meah dazua und am Schbuifeyd findst unta Fuaßboiregeln.
Fuaßboi wead eigntle in alle Länder fabriziert, vo dene de meistn eahrane eigne Liga ham. Olle via Joahr treffens si dann zu de Weyt- oda Europamoasterschaften, wo se eahna Tschämpion damitteln.
Zu de bestn Fuasboier vo da Geschichte ghern außa dem Brasüliana Pelé unsa Kaisa, da Franz Beckenbauer, und in Österreich da Herzog Andi. In da heidigen Zeit san de besten deitschen Fuaßballer dritte bei de Woidmoastaschafftn gwoadn. Dabei san aa a baar Bayern wia da Bastian Schweinsteiger oda da Philipp Lahm.
[dro werkln] Tuniere
- Wejtmoastaschaftn
- Europamoastaschaft
- Champions League
- UEFA-Cup
[dro werkln] Nationalmannschaften
- Deitsche Nationalmannschaft
- Östereichische Nationalmannschaft
[dro werkln] Vereine
- FC Bayern Minga
- TSV 1860 Minga
- FC Augschburg
- SpVgg Untahaching
- SV Wagga Burghausen
- SK Rapid Wien
- FK Austria Wien
- Red Bull Soizburg
- FC Wacker Tiroi Innsbruck
- SV Maddersburg
