TSV 1860 Minga

Aus Wikipedia

Logo vo de 60er

TSV 1860 Minga, oda a nua Sechzge, is a Fuasboivarein, der wo in da Greawoida Strass in Minga dahoam is. De Oana song, des is da onzig wahre Varein auf da Wejd, überhaupts. De Andan song, dass des da FC Bayern München is.

Offiziell hoassn de Sechzga Turn- und Sportverein München von 1860 e.V., oba de meistn sogn: TSV 1860 München e.V. oder nur de Löwn oder de Blaun.

[dro werkln] Gründung

Gründt woan is da Varein am 17. Mai 1860. Erst am 25. April 1899 is de berühmte Fuaßboi-Obteilung dazua kemma. As Vareinstier is da Löwe. De offizielln Vareinsfobm san grea und goid. D' Fuaßbolla han aba irgendwann, zwengs de Wittlsbacher, amoi auf weiß und blau kemma, zwengs dem wean de meisdns ois de Vareinsfobm heagnomma.

[dro werkln] Obteilungen

Aussa de Fuaßballer gibt no: de Baskebolla, de Kraxla, de Boxa, de Faustbolla, de wos Kegeln, de Leichtadledn, Ringa, de Bredl- und de Radl-Fohra (in dera Obteilung kunnst a Inlinern und Goifn), de Tennis-Spuia, de Turna und de Wosserspoadla. Nachad gibts no a Obteilung, de hoasst »Freizeit« (da werd vielleicht Bier drunga?) und oane füa de Senioan.

[dro werkln] Fuaßboi-Abteilung

Des is de bekannteste Abteilung vo de Sechzga. Momentan spuins in da Zwaoatn Liga. Da Trainer is seit neiastn da Kurz Marco, der vorher d'zwoate Mannschaft vo die Sechzga tränierd hod und a schou fird Sechzga a Zeit lang gspuit hod.

De Sechzga spuin momentan in da Weißwuascht, da Allianz Arena. Des is scho wos bsondas, weil des war eigentlich a WM-Stadion. Aba sie ham's ja aa midzoid, des Stadion, aa wenn's hintahea a Problem gem hod, wei da Wuidmosa Karlheinz, der wo då gråd da Präsident vo de Sechzga gwen is, und sei Bua si von ana estarreichischn Firma ham bschdecha lassn und a Menge Gejd eigschdeggd ham.