Benutzer Diskussion:Man77

Aus Wikipedia

Searwas! Zerschat amoi, daungschee fiars Höffa! Owa: Wos is des fiar a Saubeidl, wos bei unsare Artikl ollawäu a Nazi-Fahndl einestööd? --Zwentibold 13:15, 3. Feb. 2007 (UTC)

Inhaltsverzeichnis 1 Ciao :-) 2 Biachanochles 3 Hons 4 Griasti 5 romanische Sprachn 6 Neie Seitn macha 7 Griaß eich! 8 Romanisdik-Schdudent 9 Willkommen auf Boarisch???? 10 Dank

[dro werkln] Ciao :-)

In Deiner Liste fehlt Dir:

Ciao!

Saluti dall'Austria!

:-) Ich kann ganz gut lesen, aber leider (noch) nicht schreiben. Irgendwann werde ich mich vielleicht dran wagen ... Ciao! --SabineCretella 19:59, 31. Jul. 2007 (CEST)

Nett, dass du mir das lernst, aber das ganze hat ein System:

die oberen Sprachen kann ich (jedoch unterschiedlich gut: Latein sprechen natürlich nicht. Präziser: Ich hab die Sprachen gelernt.

die "Wurst" darunter sind Sprachen, die mich reizen (vgl. meine hochdeutsche Benutzerseite), die ich aber entweder gar nicht oder nur vom Urlaub ganz wenig kann.

Ciao, haaßn dua i Man77und so kaunst mit mia redn 23:10, 31. Jul. 2007 (CEST)

[dro werkln] Biachanochles

Griasdi Man77, wiaso hostn du bei de redirects vo da Biachanochles de Kategorie:Literatua' glescht? Des gheat doch dazua - unn solang no koane Subkategorien do han, z.B. fia Literatuakritik oda so unn es insgsomt eh so wenig Seitn san, duat dea Hiweis doch goa net weh. Oba womögli hätt i's net glei in de drei Schreibweisn eifiang soijn - zwengsdem fiag i's hiazt blos no oamoij bei da Biachanochles ei bzw. moch de Leschung doatn rickgängig. I hoff, du bist domit eivastondn ... Weggatgroasta 15:20, 11. Aug. 2007 (CEST)

... und i hoff, du host nix dageng, dass i dein Baustoan zua de Ringal und Hakal auf meina Benutzaseitn einikopiat hob - mia san de nämli aa zu kompliziat ... ;-) Weggatgroasta 15:34, 11. Aug. 2007 (CEST)

Oiso: Des mit dem Baustoa kaunst gean mocha, i hobn vum User:Chaddy übanumma und eigntli kimt de Voalog eh ausm Vorlagnnamensraum (ned im Benutzanamensraum) is, is's sowieso fia olle do. Meine Kats-Löschungen ü i aa nu a wengl kommentian: Mia persönli gfoit's grundsätzli net, waun redirects eikategoriert wern. Aussadem gehts im Artikl zu dem ma regedirected wiad net um de Biachanochles sondan uman Hauptaktuer vu dera Gschicht. Mia persönli warats am liaban, waun zu dera Noches a eigena Artikl kimmt, daun is de Kat selbstverständli berechtigt. Oba waunst bei ana Weiterleitung a Kat einischmeißt is's aa ka Problem (und duat wirki neamt weh), oba bei olle is's a totala Kas, weil des mochn ma mit Soizbuag, Såizbuag, Salzburg,... jo aa net. Daun nu schene Griaß, i bin da Man77und do kaunst mit mia redn 23:07, 12. Aug. 2007 (CEST)

PS: Hob grod gseng dass di du aa a wengl üba de Bärign/Leiwaundn/...-Artikl-Wahl wundatst. De Hinweise woan vu mia, oba so laung neamt aa neta a wengl auswertet dua i de Hinweise net außa, weil i glaub dass'S ohne Hinweise nu unwoascheinlicha is, dass wea wos duat. D'Auswertung find i soit nämli schau a Admin mocha. i bin da Man77und do kaunst mit mia redn 23:13, 12. Aug. 2007 (CEST)

Märssi fia deine Hiweis - i setz hiaz oamoi des redirect auf de Houdeitsche Kategorie "Literatur" unn wea spada no an kloanan eiganan Atikl zua da Biachnochles mocha.

Wos de Ausweatung ogeht - bei ins im Boarischn dauat hoijt ois a bissal länga, is donn oba aa vui scheena, geij ... ;-) Weggatgroasta 01:49, 13. Aug. 2007 (CEST)

Hiazt is da Atikl zu Büchernachlese featig unn de Kategorian san entsprechand nei gsetzt ... Weggatgroasta 02:33, 16. Aug. 2007 (CEST)

Guat, daunk da sche. So find i's gscheida. --i bin da Man77und do kaunst mit mia redn 16:18, 16. Aug. 2007 (CEST)

[dro werkln] Hons

I bi hiaz neama ogmöid, wei mi des nimma gfreit hod bei da hochdeitschn, drum bi i a auf de boarische umgstiegn. Owa es kinnts mas glam, dass i dou scho iwa 70 Sochn gschriem ho, sist dat i mi nid so guad bei oim aushennaa!--Hons 15:30, 13. Aug. 2007 (CEST)

[dro werkln] Griasti

Des mid dem Admin braucht no Zeit, des vaschtei i hiatzand a. Owa hiaz hu i ebbas gfundn, wo I an Schnöilöschontrog gstoid hu. Schau a moi auf de Seit Facken und soug ma, wous du vo dem hoidst.--Hons 09:31, 14. Aug. 2007 (CEST)

I find an Schnelllöschantrag do a wengl üwatribn. Qualitativ gibt dea Artikl oba wiakli net vüi hea. Oba Vandalismus is des kana, weil jo ka Artikl zerstört woan is (so wia do). Des kau ma zua Löschung voaschlong, weil da Inhoit net gaunz in Oadnung is bzw. bei da Qualitätssicharung eintrong (gibts bei uns oba nu net). Persönlich wüad i song, dass s'Üwaoabeitn vu dem Artikl sogoa fia an Laien oafocha is wia de Löschung auszdiskutian.

--i bin da Man77und do kaunst mit mia redn 11:06, 14. Aug. 2007 (CEST)

Mia kimb vi, dass des oafoch weick kescht und ma an eiheitlichn Atiki za Schweiln mochn soid. --Hons 14:30, 14. Aug. 2007 (CEST)

Gaunz eigentli is des sogoa da "einheitliche Schweinartikl" (gib moi Schwein bei Suach ei und schau wost aukimmst). Waun daun dat i eha dSau aus Prinzip weg, wei dea Artikl nu weniga heagibt. Ob iatzand da Titel "Facken" oda "Schweindln" boarischa is, frogst bittsche an Bauan oda Biologn, damit kenn i mi erstns weniga aus, wia ma des wiakli nenna soit und zweitns bin i bei soiche Gschichtln ziemli vum hochdeitschn infiziat. --i bin da Man77und do kaunst mit mia redn 14:42, 14. Aug. 2007 (CEST)

[dro werkln] romanische Sprachn

Servas,

du host bei de Zuteilunga wos gändat. I wui ja nix song, oba bis auf katalanisch san de ondan koane Amtspråchn. --Talyessin 00:24, 11. Jan. 2008 (CET)

Ebn doch: Galicisch in Galicien^[1] und s'Okzitanische im de:Arantal und zwoa ois duatiga Dialekt namens Aranesisch^[2]. De deWP-Angaben kaun i ois Romanistikstudent aa bestäting. Im am gsaumtn Laund wias Katalanische in Andorra san de aundan zwoa Sprochn oba wiakli niagnds Amtssproch, oba darum geht's jo glaub i net. Wo de anzlnen Sprochn Amtssproch san, kunnt ma jo im Zweifü im Artikl erwähna. schene Griaß, --i bin da Man77und do kaunst mit mia redn 15:36, 13. Jan. 2008 (CET)

1. ↑ http://de.wikipedia.org/wiki/Galicien
2. ↑ http://de.wikipedia.org/wiki/Aranesisch

[dro werkln] Neie Seitn macha

Also i dat gern wissn, wia ma zum Beispül üba mei Heimatgmoa a Seitn ofangt. Bei de Andan ändan oda was dazuadoa des geht scho ganz guat und mit deine Hülfn werd´s no bessa.(Vorstehenda ned signierta Beitrag ståammt vo D´gabi (Diskussion • Beiträge) )

Griasde nuamoi. Da Florian Schott hotda auf deina Diskussionsseitn eh schau an Tip gem, waunst nu imma a Problem damit hom soitest, daun gib in Naum vu deim neichn Artikel links bei "Suach" ei, druck Enter, daun kimmt obn auf da Seitn a rota Link zu deim Suachbegriff (zB: Deine Suchanfrage: „Mogadischu“.), do klickst drauf und daun geht's schau los. lg, --i bin da Man77und do kaunst mit mia redn 22:54, 21. Jan. 2008 (CET)

[dro werkln] Griaß eich!

Hallo Man77! Could you please help me translate a very short stub version of 1 or 2 sentences of this article for the Boarisch wikipedia? Thank you very much for any help you could provide. I hope to hear from you ;) Best regards, all yours, Julia-3-ülm 01:28, 26. Jan. 2008 (CET)

Servus, Julia! Of course, I could, but I don't like feeling used for political petitions I either do not support or that I could easily misjudge.--i bin da Man77und do kaunst mit mia redn 14:37, 28. Jan. 2008 (CET)

[dro werkln] Romanisdik-Schdudent

Griasde Man77,

I håb glésn, das du a Romanisdik-Schdudent bist und aus Regau kimst. Find I guad. I bin nemli aus Féklabruk und schdudia Schbanisch und fu doat håb I a mai linguisdischs Wissn und doat bin I a sensibilisiad woan, fia Såchan wia Rregional- und Mindahaidnschbråchn. So is ma a eascht bewust woan, das mia aigentli in ana Diglossi-Situazion lém und das ma unsan Dialekt aigentli ois aigansche Schbråch ãnseng kintad. Oiso duach Schbanisch is ma eascht mai aigane Schbråch so richtig bewusst woan. Laida wiad ma bai da Geamanisdik néd aso fia soichane Såchan sensibilisiad, déswéng find I dés supa, das I néd da õanzige Romanist då bin.

Filaicht mågst da mai TV-Doku-Foign ãnschaun, wo I an Faglaich zwischn Boarisch und Katalanisch gmåcht håb und a boa recht intressante Intawius in Barcelona gmåcht håb. (http://blogs.okto.tv/whatthefuckisbairisch/?page_id=22). Schen Gruas dawai ... --El bes 16:11, 17. Feb. 2008 (CET)

Seavus El bes!

Obwoi i dein Naum do herin schau oft glesn hob, dass ma so vü Gemeinsaumkeitn hom is ma nu net aufgfoin ;-). I wüad zwoa s'Boarische net ois Språch bezeichna, oba a Diglossie is des auf jedn Foi, üba des braucht ma glaub i goa net diskutian. So richtig des eakenna kina hob i aa east duachs Studium. Und weil des in Spanien jo aa iagndwia hihaut, dass mearare ähnliche Språchn/Dialekte nem- und mitanaunda kinan, hod mia des east zum Vasteh gem, wie weng am duachschnittliche Östareicha bewusst ist, dass da Dialekt seine eignen Regln hod (Stichwort Genetiv, Imperfekt...) und voa oim aa an eignen Wert. Wia weng Prestige vü Leid im Dialekt gem, meakt ma eh, waun ma si zeitweis de Kommentare üba unsa schens Projekt in da barWP gibt. Da Dialekt wiad - so siachs i - vo Aufaung au, oiso schau in da Schui, månchmoi schau vu de Öitan dahoam, implizit oda explizit ois gengüba m Schriftdeitschn mindaweatig higstöd, oiso wås de Sensibilisierung betrifft, gibt's vü zum Aufhoin...

Den barWP-Teil vu deina Doku-Foing håb i Aufaung Herbst moi augschaud und nütz do glei de Gelegnheit, dass i da dazua gratulia. Des üba Barcelona (daungsche fian Link) werd i ma wuan i Zeit hob sicha a auschau. lg,--i bin da Man77und do kaunst mit mia redn 20:35, 17. Feb. 2008 (CET)

Übrigens, da "Schbanisch"-Artikl is fu mia. Då woit I aigentli in Artikl auf da schbanischn Wikipedia komplet iwasézn. Dãn håd mi åwa da Flais falåssn und mi håd's neama gfraid. Filaicht kintast du an naichn Ãnlauf måcha, dãn wa I filaicht a wida motiviad. --El bes 02:05, 18. Feb. 2008 (CET)

Jo is ma gestan aufgfoin, dass do nu einiges Spanisch steht. I werd mi woih iagndwaun moi drum kümman, außa es is ana schnölla. Momentan is mei Projekt nämli eha Südgeorgien gscheid auschaulich z'mocha. lg,--i bin da Man77und do kaunst mit mia redn 14:34, 18. Feb. 2008 (CET)

[dro werkln] Willkommen auf Boarisch????

Serwas Man77! Såg amåi :-) wia sågt ma denn bitsche „willkommen“ auf Boarisch???Mucalexx 00:17, 4. Mär. 2008 (CET)

I würd song, des gibts im "reinen" Dialekt goa net; des is oba nua gschätzt, gheat hätt i a "Wüükemma" nu nia. I würd's duach a aundare Floskl easetzn, klint fia mi authentischa (zB: "A herzlichs Griaß Gott in da..."). --i bin da Man77und do kaunst mit mia redn 00:26, 4. Mär. 2008 (CET)

I håb ma måi dåcht i tua 'n Begrüßungstext „Griaß Gott in da Boarischn Wikipedia“ aussa, in d' ãndan Dialekt-Wikis gibts dés à néd... Wüikemma und Willkemma klingt fir mi à voi komisch...Mucalexx 00:40, 4. Mär. 2008 (CET)

håm do de meißtn drinnen... håb i mi vaschaut... --Mucalexx 00:43, 4. Mär. 2008 (CET)

"Klingt" schau vü echta so! Und dass ma aufn Gott in da Begrüßung vazichtn, find i persönlich aa bessa (political correctness gengüba Atheistn, Moslems und aundare). --i bin da Man77und do kaunst mit mia redn 13:54, 4. Mär. 2008 (CET)

I find à, dass ma in Gott aus 'm Spüi låssn soin :-)Mucalexx 15:08, 4. Mär. 2008 (CET)

Geem touts jå àà nuu Grejß Enk. Wüllkumma hèjert se àà fir mi niat umbedingt boarisch åå. In da alemannschn Wikipedia hoißts jå Grüezi un willkumme. Des wàr àf Boarisch Grejß Enk und kummts eina. I moan, serwus kimma schou òls Grejßn und òls Ààloon seha, trotzden dàß mir des Serwus - i woiß niat genau warum - niat hundertprozente gfòllt. Ner amòl a wengl sinniert. -- Sinnierer 16:13, 4. Mär. 2008 (CET)

[dro werkln] Dank

Griaß di, danke vielmols für die Hilfe und Tipps!(Vorstehenda ned signierta Beitrag ståammt vo David Kostner (Diskussion • Beiträge) )

Gern gscheng, ka Problem. Waun nu iagndwöche Frång auftauchn, möid di afoch. --i bin da Man77und do kaunst mit mia redn 14:56, 4. Mär. 2008 (CET)