Naturpàrk Truadna Horn
Aus Wikipedia
 |
Der Àrtikl is im Dialekt „Stådt-Såizburgarisch“ gschriem worn. | |
Da Naturpàrk Truadna Horn südlich vô Bozn in Südtiroi håd seid seina Erweitarung im Jåhr 2000 a Flächn vô 6.866 Hektàr. Da Naturpàrk liegt westlich vô da Etsch, südlich vôm Fleimståi, im Südostn is a durch 's Tschembratåi begrenzt. Naturpàrkgmoãna san: Åitrei, Montàn, Naimårkt, Sàlurn, und Truadn. Da hechste Berg is as Truadna Horn mid 1.817 m. D' Flora und Fauna vôm Naturpàrk is bsundas årtnreich, weil im Pàrk nebm da Gebirgswegetazion à no as submeditearàne Flaumoachn-Hopfmbuachn-Mãnnaeschn-Buschwåid vurkummt. Auf d' Lärnchnwiesn wåggsn Åipmgléggal, Krokuss', Faia- und Tirknbundlilien. Moare kemman am Weissnsee, am Schwårznsee und am Lãngen Moos vur. Im Naturpàrkhaus Truadna Horn in Truadn wird d' Natur vôm Pàrk dårgstöit.
