Werfm

Aus Wikipedia

Der Àrtikl is im Dialekt „Pongaurisch“ gschriem worn.

Werfm
Wåbbm	Kårtn
Basisdàtn
Bundeslãnd:	Såizburg
Politischa Bezirk:	St. Johànn im Pongau (JO)
Koordinatn:	Koordinaten: 47° 29' N, 13° 11' O 47° 29' N, 13° 11' O
Hechn:	548 m ü. À.
Eîwohna:	3085 (15. Mai 2001)
Bevökarungsdichtn:	20 Eîwohna pro km²
Postleitzåih:	5450
Vurwåih:	06468
Gmoãkennziffa:	50 424
Gmoãvawåitung:	Markt 24, 5450 Werfen
Offizielle Websitn:	www.gemeindewerfen.at
Politik
Burgamàsta:	Franz Meißl (SPÖ)
Gmoãråt: (2004)	11 SPÖ, 6 ÖVP, 2 FPÖ,
Werfm vo da Burg Hohnwerfm aus gsèchn

D' Mårktgmoã Werfm (Hochdaitsch: Werfen) lieg èbbas 40 km sidlich vo Såizburg in Estareich. Sie håd za. 3.100 Eîwohna.

Inhaltsverzeichnis 1 Geogràfie 2 Gschicht 3 Wåbbm 4 Politik

[dro werkln] Geogràfie

D' Gmoã lieg im Pongau im Såizburga Lònd zwischn Tennèn-, Hånggebirg und Hochkenig im Såizàchtåi.

Zum 154 km² umfåssatn Gmoãgebiat vo Werfm ghern à d' Ortschåftn:

• Tennègg (Tenneck)
• 's Bleâhbåchtåi (Blühnbachtal)
• Imlau (Imlau)
• Reitsòm (Reitsam)
• Schårtn (Scharten)
• Suizau (Sulzau)
• Wimm (Wimm)

[dro werkln] Gschicht

Werfm is oana vo d' äitèstn Märkt im Såizburga Lònd. Er is zwischn 1190 und 1242 grindt worn. Werfm is da Sitz vo an såizburgarischn Pflèggricht gwen. In d' Bauankriag 1525/26 is Werfm kòmpflos vo d' Aufständischn eîgnumma worn. 1731/32 is zu oana großn Protèstàntnvatreibung kemma. Aufgrund vo eanana Zuagherigkeit zum protèstàntischn Glàbm san 20.000 Laid per Dèkrèt vom Firstbischof vom Lònd vawiesn worn. Da Kenig Friadrich Wilhèlm I. vo Praissn håd d' Flichting in Ostpraissn naichs Lònd zuagwiesn.

Am 25. Juli 1928 is nåch nur oana oâjàhring Bauzeid auf 'm 1630 m hochn Rèttnbåchriadl zum Ôdènkn òn d' Vurfåhrn d' Ostpraissnhittn eîgweicht worn. ^[1]

Nåch da Auflesung vom geistlichn Firstntum Såizburg is Werfm mid 'm grèßtn Toaè vom såizburgarischn Gebiat 1816 z' Estareich kemma. 1939 is d' Ortschåft Konkordiahittn (Konkordiahütte) in Tennègg (Tenneck) umbnònnt worn. Da Ortsteil Tennègg is vom Eisnwerk Suizau-Werfm sehr stårk prägt.

Werfm liegt untahåib vo da Burg Hohnwerfm, de åis Burg vo d' Såizburga Erzbischef auf 's 11. Jåhrhundat zrugge gèht. D' Festung Hohnwerfm is 1931 durch an Großbrònd toaèweis zastert worn, dònn wieda aufbaut und am 6. August 1938 da NSDAP iwagèm, um untam Lòndråt Kårl Springenschmied zur Gauschulungsburg umgwòndlt z' wern. Am 6. Mai 1945 håd da Genarallaitnònt Bark (6. US-Àrmèè) um 13:30 Uhr 'n Wåffmstijstònd bekònnt gebm. Nåchm zwoatn Wèitkriag is 's bis 1987 vo da estareichischn Bundesgendarmerie åis Ausbijdungsstättn gnitzt worn.

[dro werkln] Wåbbm

's Wåbbm vo da Gmoã is: „Im toaètn Schijdl obm in Goid d' wåggsnde vurwärtskherte Gståit vo an Pilga mid rodm Kleidl, schwåschzn Måntl und ebmsoichan bàrettårting Huat, in da Rèchtn an Pilgaståb håitad, d' Linke in d' Seitn gstitzt, untn in Blau an aufrecht rechtsgwendatn schwåschzn Hund.“

[dro werkln] Politik

Birgamoasta is seid 2005 da Frònz Moassl (Franz Meißl) vo da SPÖ.