Альбина Юрату
Википедири материал
Альбина Юрату (чăн ячĕ Любимова Альбина Васильевна), — чăваш сăвăçи. 1959 çулхи çурла уйăхĕн 25-мĕшĕнче Чăваш Енĕн Патăрьел районĕнчи Нăрваш Шăхаль ялĕнче çуралнă.
1992 çултанпа Чăваш çыравçисен пĕрлешĕвĕн членĕ.
2001 çулта Эмине премине тивĕçнĕ.
[тӳрлет] Пурнăçĕ
Чăваш патшалăх университетĕн историпе филологи факультетĕнче тата Мускав патшалăх университетĕн журналистика факультетĕнче пĕлӳ пухнă. «Советская культура» хаçатра практика тухнă. Çуллахи практикăра Тинĕсçум Енĕнчи «Трудовое слово» хаçатра, Узбекистанри «Комсомолец Узбекистана» хаçатра вăй хунă. Мускав патшалăх университетĕнче вĕреннĕ чухне «Московский университет» (Мускав университечĕ) хаçачĕпе тачă çыхăну тытнă.
Кайран Елчĕк районĕнчи «Колхоз ялавĕ» хаçатра, Шупашкар хулинчи чăлхапа трикотаж фабрикин радиоредакторĕ вырăнĕнче ĕçленĕ.
Чăваш Енĕн йĕри-тавралăха сыхлас министерствинче нумай хушă ĕçленĕ.
[тӳрлет] Ĕçĕсем
Сăвă çырма ачаранах пуçланă. Вĕсене «Авангард», «Пионер сасси», «Пионерская правда» хаçатсенче пичетленĕ.
Унăн пичетленсе пухнă сăвă кĕнекисем:
- «Эпĕ сана юрататăп» (1977, 1994);
- «Каях! Сывă пул!»; (1992)
- «Чĕрем витĕр иккĕн утас çул выртать» (1996);
- «Çӳл тӳпере çич çăлтăр» (1997);
- «Любовь моя. Боль моя» (Ман юрату — ман ырату, вырăсла, 2001);
- «И многоточие ставлю я опять...» (вырăсла, 2001);
- «Кĕтетĕп сана, килсем...» (2004);
- тата ыттисем.
Унăн сăввисем çине нумай юрă хывнă.
