Евĕрлев сăмахĕ

Википедири материал

Евĕрлев сăмахĕ, — çутçанталăкри сас-чĕве, шăв-шава, тĕрлĕ сăнлăхпа хусканăва евĕрлесе кăтартакан сăмах. Тĕслĕхрен, çерçи чĕвĕлтетни пире чим-чим!, хур кайăксен сасси кикак! кикак! евĕрлĕ илтĕнет, эпир вĕсене çапла çыратпăр та.

Евĕрлев сăмахĕсем чăваш чĕлхинче питĕ нумай, вĕсен сасă тытăмĕ те тĕрлĕрен: пĕр сасăллисем те, нумай сасăллисем те пур (а-а-а, ӳ-ӳ-ӳ, ян, шан, шапт, вĕлт, чăнкăр, шаятăр тата ыттисем те).

Сасăпа морфологи тытăмне шута илсе евĕрлев сăмахĕсем икĕ ушкăна уйăраççĕ:

• пĕрремĕшлисем (шат, йăл, ял, вĕл)
• иккĕмĕшлисем (шатăр, шатăрт, йăлт, йăлтăр, ялт, ялтăрт, вĕлт, вĕптĕрт).

Евĕрлев сăмахĕсене Н.И. Ашмарин проффесор нумай тĕпченĕ.

[тӳрлет] Литература

• Ашмарин Н.И. Основы чувашской мимологии (О подражательных словах в чувашском языке). В память общечувашского съезда учащихся. Казань, 1918;
• Ашмарин Н.И. О морфологических категориях подражаний в чувашском языке. Казань, 1928;
• Егоров В.Г. Подражательные слова //Материалы по грамматпке современного чувашского языка. Ч., 1957;
• Павлов И.П. Хальхи чăваш литература чĕлхи. Морфологи. Ш., 1965;
• Сергеев Л.П., Котлеев В.И. Чăваш чĕлхи. Ш., 1988.

Пуплев пайĕсем

Япала ячĕ | Паллă ячĕ | Хисеп ячĕ | Местоимени | Глагол | Наречи | Евĕрлев сăмахĕ | Хыçсăмах | Союз | Татăк | Междомети