Евсевьев Макар Евсевьевич

Википедири материал

Евсевьев Макар Евсевьевич, — халăх пултарулăхне пухакан, çыравçă, этнограф, историк, мордва чĕлхин çыруллăхне никĕслекен. 1864 çулхи кăрлачăн 18-мĕшĕнче Чăваш Енĕн Йĕпреç районĕнчи Ирçе Çармăс ялĕнче çуралнă. 1931 çулхи çу уйăхĕн 11-мĕшĕнче Хусанта çут тĕнчерен уйрăлса кайнă.

[тӳрлет] Пурнăçĕ

Хусанти урăх халăх вĕрентекенĕсен семинарийĕнче, Хусан патшалăх университечĕн историпе филологи факультетĕнче вĕреннĕ. Хусанти вĕрентекенсен семинаринче, ытти аслă вĕренӳ керменĕсенче вĕрентнĕ.

Ирçе Çармăс ялĕнче ăна хисеплесе палăк лартнă.

[тӳрлет] Ĕçĕсем

Мордва чĕлхи валли вĕренӳ кĕнекисем çырнă. Мăкшăсемпе ирçĕсен халăх пултарулăхне пухнă.

Çак кĕнекесене пичетлесе кăларнă:

• «Основы мордовской грамматики» (Мордва грамматикин никĕсĕ, 1926)
• «Эрзянские сказки» (Ирçĕ юмахĕсем, 1928);
• «Эрзянские песни» (Ирçĕ юррисем, 1928);
• «Мордовская свадьба» (Мордвасен туйĕ);
• «Эрзянско-русский словарь» (Ирçĕ-вырăс сăмахсарĕ);
• тата ыттисене.