Кивĕ Арланкасси (Елчĕк районĕ)
Википедири материал
- Ку терминăн ытти пĕлтерĕшсем те пур. Кивĕ Арланкасси пăхар.
Кивĕ Арланкасси, — Чăваш Енĕн Елчĕк районĕнчи ял. Ял Елчĕкрен 23 çухрăмра ларать.
2004 çулта ялта 94 хуçалăхра 277 çын пурăннă. Ялта клуб, лавкка, фельдшер пункчĕ, Энтепе вăтам шкулĕн пуçламăш классенче вĕренекенсем валли шкул çурчĕ пур.
[тӳрлет] Истори
Халапсем тăрăх ял ячĕ Арлан сăмахран пулса кайнă. Яла XVII ĕмĕрте Елчĕк районĕнчи Кушка ялĕнчен куçса килнĕ çынсем никĕсленĕ. 1710 çулта кунта 10 кил, 1723 çулта 17 кил пулнă. 1896 çулта 40 килте 245 çын пурăннă.
1921 çулхи чӳк уйăхĕн 17 Пăва уесне, кайран вара, уессене пĕтериччен, Патăръел уесне кĕнĕ. 1918 çулчен Тимбаево вулăсне, кайран вара 1927 çул тарин Шăмалак вулăсне кĕнĕ.
1927 çулхи юпа уйăхĕн 1 Кĕçĕн Елчĕк районне, 1935 çулхи çу уйăхĕн 19 хыççăн Елчĕк районне, 1962 çулхи раштав уйăхĕн 20 хыççăн Патăръел районне кĕнĕ. 1965 çулхи пуш уйăхĕн 14 хыççăн хальхи вăхăт таран Елчĕк районне кĕрет.
1928 çулта ялта «Комсомолец» колхоза никĕсленĕ. 1922 çулта кунта пуçламăш шкула (пĕрремĕш вĕрентекенĕ Е.Д. Дмитриева пулнă) уçнă. 1948 çулта ялта йывăçран культура çуртне туса лартнă. 1964 çулта яла радио, 1966 çулта электричество, 2004 çулта газ кĕртнĕ.
Тăван Çĕршывăн Аслă вăрçине ялтан 82 çын тухса кайнă, вĕсенчен 45-ĕшĕ вăрçăра пуçне хунă.
